Өлүөнэҕэ көмүөл үөһээ кирбиитэ Эдьигээн оройуонун Дьардьаан гидропуоһуттан үөһээ 20 км баар, уу таһыма 1720 см (ыксаллаах таһым 2545 см.). Муус барыытын аллараа кирбиитэ – Булуҥ оройуонун Сииктээҕин сиригэр-уотугар. Бу туһунан Саха Өрөспүүбүлүкэтин Бырабыыталыстыбатын бэрэссэдээтэлин бастакы солбуйааччы Дмитрий Садовников брифиҥҥэ иһитиннэрдэ.
Дьааҥы эбэҕэ муус Усуйаана оройуонунан уста турар. Үөһээ кирбиитэ былыргы Хаһааччыйа сэлиэнньэтиттэн үөһээ 50 км бэлиэтэнэр, аллараа кирбиитэ сэлиэнньэттэн 15 км аллараа. Уу таһыма — 807 см (ыксаллаах таһым 1450 см).
Индигииргэ муус Абый улууһунан ааһар. Үөһээ кирбиитэ улуус киинэ Белай Гораттан үөһээ 100 км бэлиэтэнэр.
Халымаҕа муус Орто Халыма улууһун сиринэн-уотунан устар. Үөһээ кирбиитэ Орто Халыма куораттан 170 км аллараа бэлиэтэнэр, аллараа кирбиитэ– куораттан 310 км аллараа.
“Билиҥҥи туругунан 2025 сыллааҕы көмүөл этэҥҥэ ааһа турар. Муус барыытын кэмигэр өрөспүүбүлүкэ өрүстэригэр оперативнай бөлөхтөр тэриллибиттэрэ. Соруктары уонна кыһалҕалаах боппуруостары тута быһаарабыт”, — диэтэ Дмитрий Садовников.
Саха Өрөспүүбүлүкэтин Ил Дарханын уонна Саха Өрөспүүбүлүкэтин
Бырабыыталыстыбатын пресс-сулууспата
Хаартыска Сахагов
-
2
-
0
-
0
-
0
-
0
-
0
