Аллараа өттүгэр, Юрта гидропуоска уу таһыма 903 см тиийдэ (4 чаас иһигэр 6 см түстэ). Уус-Ньара бөһүөлэгэр таһыма 471 см, 4 чаас иһигэр 4 см үрдээтэ. Хонуу сэлиэнньэтин аттыгар уу таһыма 575 см, 5 см түһүү, Кэбэргэнэҕэ уу 1780 см таҕыста, 9 см эбилиннэ. Ньара үрэххэ Ала-Чубук гидропуоһугар – 560 см (36 см түһүү). Гидромет сулууспата биллэрэринэн, кэлэр икки хонукка Өймөкөөн улууһугар сүрүннээн ардаҕа суох халлаан турара сабаҕаланар, ол гынан баран, от ыйын 20-тэн кылгас, быстах ардахтар түһэллэрэ күүтүүлэр.
Бүгүн сарсыардатааҥы иһитиннэриинэн, барыллаан ааҕыынан Өймөкөөҥҥө биэс нэһилиэнньэлээх пууҥҥа 328 тиэргэн, ол иһигэр 89 олорор дьиэ, 1 социальнай эбийиэк-оскуола ууга бардылар. Өймөкөөнтөн аллараа сытар Муома улууһугар 3 нэһилиэккэ халаан уута таҕыста. 55 тиэргэн, 4 олорор дьиэ ууга барда. Салгыы Абый улууһугар Кэбэргэнэ сэлиэнньэтигэр 16 тиэргэҥҥэ уу киирдэ.
Хаартыскаҕа Абый улууһун Кэбэргэнэ сэлиэнньэтэ, от ыйын 18 күнэ
Ааспыт сууккаҕа Өймөкөөн улууһугар матырыйаал саппааһын тиэрдиигэ үлэ ыытылынна. Маны тэҥэ Дьааҥытааҕы этэрээттэн 5 быыһааччы Хонуу нэһилиэгэр көһөрүллүбүтэ. Суһал бөлөх уонна Быыһыыр сулууспа быыһааччылара үлэлииллэр.
Уопсайынан кыраасданнарга анаан 13 кылгас кэмҥэ олохсутар пуун тэрилиннэ: Өймөкөөн улууһугар - 7, Муомаҕа -4, Абыйга -2. Ынах сүөһү, сылгы куттала суох үрдүк сирдэргэ кэмигэр көһөрүлүннүлэр. Билигин быыһыыр үлэлэргэ 104 киһи уонна 43 тиэхиньикэ тардылынна.
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников бэлиэтээбитинэн, Саха Өрөспүүбүлүкэтин Ил Дарханын Айсен Николаев бүгүҥҥү сорудаҕынан алдьатыылаах халаан уутун аһардан, уу таһыма намтаата да тутуспутунан халаантан тахсыбыт хоромньуну туоратыыга, чөлүгэр түһэрии үлэлэрин саҕалыахтара. Биллэриллибитин курдук, бэҕэһээ Өймөкөөҥҥө өрөспүүбүлүкэ бырабыыталыстыбатын анал бөлөҕө тиийдэ.
Хаартыска анал тиксэриинэн
-
0
-
0
-
0
-
0
-
0
-
0
