От ыйын 27 күнүнээҕи туругунан дьону ытырбыт 169 хомурдуоһу (клещ) лабораторияҕа бэрэбиэркэлээбиттэр, ол онтон түөрдэ – энцефалит ыарыыны тарҕатааччы буолаллара биллибит. Маны таһынан хомурдуос ытырбытын кэннэ түөрт киһи клещевой боррелиоз диэн ыарыынан ыалдьыбыт: үс киһи Нерюнгрига, биир киһи – Бүлүү улууһугар. Ол курдук, уопсайа Дьокуускайга уонна 13 улууска хомурдуос 258 киһини ытырбыт түбэлтэтин бэлиэтээбиттэр. Маннык түбэлтэлэри аҕыйатар сыалтан дьон мустар уонна оҕо сынньанар сирдэрин хомурдуостартан утары суурадаһынан ыстараллар. Билиҥҥитэ 30,7 гектар сири ыстарбыттар. Маны таһынан вируснай энцефалит ыарыыттан быһыыга болҕомто улаатар. Өрөспүүбүлүкэҕэ 1970 киһи, ол иһигэр 354 оҕо быһыыны ылбыттар.
-
0
-
0
-
0
-
0
-
0
-
0
