“Мэдиссиинэ үлэһиттэригэр уонна учууталларга күһэйэн туран вакцина биэрэллэрин туһунан иһитиннэрии кэлин эрэгийиэннэртэн элбэхтик киирэр буолла. Дьон вакцинаттан аккаастанар бырааптаах буолуохтаах”, -- диир кини.
Сергей Миронов доруобуйа харыстабылын миниистирэ Михаил Мурашко миэдиктэргэ, учууталларга уонна кутталлаах эйгэҕэ үлэлиир атын даҕаны дьоҥҥо вакцина баҕа өттүлэринэн оҥоһуллуохтааҕын эппитин санатта. Булгуччулаах вакцинациялааһын туһунан боппуруос ханна даҕаны дьүүллэһиллибэтэҕэ.
“Дьиҥ олоххо хайдаҕый? Эрэгийиэннэргэ миэдиктэри уонна учууталлары үлэҕититтэн ууратыахпыт диэн куттаан туран укуол биэрэллэр. Ону кинилэр ыарыйдахтарына элбэх оҕону, киһини түргэнник сутуйуохтарын сөбүнэн быһаараллар эбит. Дьиҥэр, маҕаһыыҥҥа, уопсастыбаннай көлөҕө, уулуссаҕа даҕаны сылдьан дьаҥҥа сутуллуохха сөп”, -- диир С.Миронов.
Парламентарий этэринэн, уопсастыбаннас санаатын билээри ыытыллыбыт кэлиҥҥи ыйытык дойду олохтооҕун 25 бырыһыана эрэ вакцинаны ыларга бэлэмин, кинилэртэн үстэн биирдэрэ булгуччулаах буоларыгар баҕалааҕын көрдөрбүт.
“Киһини барытын биир угунньаҕа угар табыллыбат. Элбэх киһи дьарҕа ыарыылаах буолан, быһыы хайа баҕарар көрүҥүн ылара сатаммат. Дьаҥҥа хаптаран баран үтүөрбүт киһи эмиэ үгүс. Онон маассабай хампаанньаны тэрийбэккэ, үлэттэн ууратарынан куттаабакка, вакцинаны дьоҥҥо баҕа өттүлэринэн эрэ бэриллиэхтээх”, -- диэн саныыр “Сиэрдээх Арассыыйа” салайааччыта.
- 0
- 0
- 0
- 0
- 0
- 0