Владимир Путин “Арассыыйа ыҥырар” диэн инвестиция форумун пленарнай мунньаҕар коронавирус ыарыыттан маассабай быһыы бу сыл бүтэһигэр саҕаланыан сөбүн уонна вакцинаны боруобалааһын этэҥҥэ ааһан иһэрин иһитиннэрбит. “Билигин элбэх ахсаанынан оҥорон таһаары боппуруоһа турар. Бары эрэгэйиэннэргэ вакцинаны тиэрдиэхпит. Онон маассабай быһыы бу сыл бүтэһигэр ыытылларыгар эрэнэбит. Ол курдук “Вектор” уонна Гамалеи киинин вакциналара РФ доруобуйаҕа харыстабылын министиэристибэтигэр регистрациялаахтар уонна бары ирдэбилгэ эппиэттииллэр” – диэн Владимир Путин эппит.
Бэрэсидьиэн Н.Ф. Гамалеи аатынан эпидемиология уонна микробиология чинчийэр национальнай киинигэр уонна Новосибирскай куорат “Вектор” киинигэр махтанан туран, бу кииннэргэ оҥоһуллубут препараттар кырдьык үчүгэйдэрин бэлиэтээбит. “Дьон доруобуйатыгар куттала суох уонна туһалаах буолуохтаах ирдэбилгэ сөп түбэһэллэр. Сотору үһүс вакцина тахсыаҕа”, -- диэбит судаарыстыба баһылыга.
Арассыыйа вакциналарын бастакынан дойду олохтоохторугар биэриэхтэрэ, ол кэннэ тас дойдуга таһаарыахтара. Билиҥҥитэ Арассыыйаҕа коронавирустан икки вакцина регистрацияламмыт – “Спутник V” (Гамалеи киин) уонна “ЭпиВакКорона” (“Вектор” киин). Үһүс вакцина Чумаков аатынан иммунобиологическай препараттары чинчийэр кииҥҥэ оҥорон таһаарыллыбыт уонна клиническэй боруобаны ааһар сылдьар.
-
0
-
0
-
0
-
0
-
0
-
0
