Билиҥҥи туругунан Саха сиригэр коронавирус ыарыылаахтар балыыһаларга сытан эрэ эмтэнэллэригэр 2411 куойка баар. О онтон 1128 миэстэтэ – Дьокуускайга. “Корнавирус ыарыытын кытта охсуһар эмп тэрилтэлэригэр орто уонна үрдүк мэдэссиинэ үөрэх кыһатыгар үөрэнэр 300 устудьуон үлэлиир, 150 массыына ыалдьыбыт дьон ыҥырыытынан сүүрэр”, -- диэн миниистир Елена Борисова эппит.
Коронавирус дьаҥынан ыалдьыбыттарга босхо эмп көрүллэр. “Атырдьах ыйыттан дьиэҕэ олорон эмтэнэр дьоҥҥо көрүллэр эмтэргэ уопсайа 126,81 мөл. солк. көрүллүбүтэ. Өрөспүүбүлүкэ бүддьүөтүттэн 90 мөл. солк., федеральнай бүддьүөттэн 36 мөл. солк. Уопсайа 12 тыһыынчаттан тахса киһи эмтэнэр препараттарын бохсо ылбыт”, -- диэн Борисова бэлиэтээбит.
Маны таһынан кини COVID-19 вирустан быһыыны биэри хампаанньа туһунан кэпсээбит. Саха сиригэр 824 вакцина дозата кэлбит. “Ааспыт нэдиэлэҕэ вакцина кэлтэ, тута “кыһыл зонаҕа” үлэлиир мэдэссиинэ үлэһиттэригэр биэрии саҕаламмыта. Бу нэдиэлэнэн хампаанньа түмүктэниэҕэ”, -- диэбит.
-
0
-
0
-
0
-
0
-
0
-
0
