Ити туһунан Арассыыйа Роспотребнадзорун хотуна Анна Попова иһитиннэрдэ. Бу сутуллубут киһини Саҥа дьыл иннинэ балыыһаҕа уган эмтээннэр, билигин үтүөрэн эрэр.
--“Британскай” дэммит коронавируһу быһаарар ПЦР-тест биһиэхэ баар. Ону сэргэ COVID-19 утары саҥа вакцинабыт бу “британскай” штамматтан эмиэ харыстыыр. Коронавирус саҥа көрүҥэ билиҥҥитээҕэр быдан сыстыганнаах, түргэнник тарҕанар, -- диир Анна Попова.
Манна даҕатан эттэххэ, тохсунньу 11 күнүгэр өрөспүүбүлүкэ үрдүнэн COVID-19 хамсыгынан 124 киһи ыарыйда.
Дьокуускай — 48;
Мииринэй — 12;
Нерюнгри — 10;
Алдан — 9;
Мэҥэ Хаҥалас — 8;
Амма— 7;
Эдьигээн, Кэбээйи — 4;
Аллайыаха, Бүлүү, Өймөкөөн, Таатта, Уус Алдан — 3-түү;
Аллараа Халыма — 2;
Үөһээ Бүлүү, Горнай, Ньурба, Өлүөхүмэ, Сунтаар — 1-дии.
Тохсунньу бастакы декадатыгар барыта 1 289 киһи коронавирустаата. Итинтэн 506 киһитэ Дьокуускайга, 783 – оройуоннарга.
Төһө да аччаабыт курдук буоллар, муҥутуур бэлэмнээх буолуу эрэсиимин суһал ыстаап көтүрбэт. Вакцинацияны бастакы уочарат учууталлар, быраастар, дьону кытта сирэй үлэлиир дьон ылыахтара. Бу булгуччулаах уонна төлөбүрдээх буолбатах, ким баҕалаахха көҥүл өттүнэн туруораллар уонна босхо.
-
0
-
0
-
0
-
0
-
0
-
0
