РФ Бэрэсидьиэнэ Владимир Путин итинэн дьарыктаныахтаах биэдимистибэлэргэ быһачча сорудахтаата. Онон дьон анал быһыыны ылан саҕалаан барыахтарын сөп. Сүнньүнэн «Спутник V» уонна «Эпи-Вак-Корона» диэн анал препараттары туһаныахтара. 2021 сыл устата нэһилиэнньэ 60 бырыһыана хабыллыахтаах.
СӨ Быраабыталыстыбатын Бэрэссэдээтэлин солбуйааччы Ольга Балабкина иһитиннэрбитинэн, Саха сиригэр ааспыт сууккаҕа 153 киһи коронавирустаабытыттан Дьокуускайга 65, Мииринэйгэ 23, Алдаҥҥа 14, Нерюнгрига 11, Бүлүүгэ 7, Мэҥэ Хаҥаласка 6, Аммаҕа, Булуҥҥа, Уус Алдаҥҥа – түөртүү киһи ыалдьыбыт. Бүгүҥҥү туругунан, өрөспүүбүлүкэ үрдүнэн 2,5 тыһ. киһи хамсык дьаҥын утары анал быһыыны ылбыт. Билигин Саха сирин үрдүнэн быһыыны биэрэргэ аналлаах 39 учаастак тэриллэн үлэлии турар.
- 0
- 0
- 0
- 0
- 0
- 0