Манна 18 саастарын туолбут үөрэнээччилэр, устудьуоннар уонна учууталлар хапсаллар. Итини тэҥэ, тыа сирин улуустарыгар улахан болҕомто ууруллуохтааҕын эттэ. Билигин сайын тыа сиригэр барааччы ахсаана элбээбитэ биллэр. Өссө сотору сир аһын хомуйа барыахтара турдаҕа. Онон бу барыыга-кэлиигэ барытыгар сэрэхтээхтик сыһыаннаһыы ирдэниллэр.
Бу күннэргэ соҕуруу улуустарга дьаҥ туруута элбээбит. Холобур, бүгүн Алдаҥҥа 9, Нерюнгригэ 8 киһи ыалдьыбыта биллибит. Ольга Балабкина билиһиннэрбитинэн, ааспыт сууккаҕа Саха сирин үрдүнэн 97 киһи хамсык дьаҥнаабыт. Итинтэн 56-та Дьокуускайга ыалдьыбыт. Эдьигээҥҥэ 5, Үөһээ Бүлүүгэ, Бүлүүгэ, Мэҥэ Хаҥаласка 3-түү, Кэбээйигэ, Хаҥаласка 2-лии, Аммаҕа, Булуҥҥа, Горнайга, Муомаҕа, Аллараа Халымаҕа, Тааттаҕа 1-дии киһи ыалдьыбыт. Бу сырыыга эдэр дьон ыалдьыыта биллэрдик элбээбит. Онон балаһыанньа уустук соҕус. Ааспыт сууккаҕа 2566 анал анаалыһы ылбыттар. Биир үчүгэй өрүтүнэн быһыыны ылыы арыый да элбээбит. Ол курдук, кэлбит быһыыттан 84 %-на туһаныллыбыт.
-
0
-
0
-
0
-
0
-
0
-
0
