Кэнники 10 күҥҥэ Арассыыйа ковидынан ыалдьыыга аан дойдуга II-III миэстэҕэ сылдьар буолла. Хамсыктан ыалдьан өлүү улаатта, сууккаҕа дойду үрдүнэн 1000 тахса киһи тыына быстар.
Онон Бэрэсидьиэн В.В.Путин дьаһалынан алтынньы 30 күнүттэн сэтинньи 7 күнүгэр диэри үлэ тохтотуллар, дьиэбитигэр хам бааччы олоробут.
Үс күннээҕитэ (25.10.20021) Владимир Путин эбии саҥа сорудахтары биэртэлээтэ:
-- вакцина ылыыга үлэһит төлөбүрдээх 2 өрөбүл күнү ылыахтаах;
-- 60 сааһын ааспыт үлэһит 4 нэдиэлэ устата булгуччу дьиэтиттэн олорон үлэлиэхтээх;
-- аралдьытар-сынньатар киэһээҥҥи уонна түүҥҥү тэрээһиннэр бобуллаллар;
-- оптуобуска, сөмөлүөккэ, поездка, метроҕ, устар аалга хонтуруолу кытаатыннарарга;
-- ыалдьыы элбэх эрэгийиэннэригэр көмөҕө медицинскэй мобильнай биригээдэлэри ыытарга;
-- хроническай ыарыылаах үлэһит 4 нэдиэлэ дьиэтигэр олорон үлэлиэхтээх;
-- уопсастыбаннай аһылык тэрилтэлэрэ (ресторан, кафе) киэһэ уонна түүн үлэлиэ суохтаахтар;
-- вакцина ылбатах 60 сааһын ааспыт киһи дьиэтигэр олоруохтаах (самоизоляция);
-- ыарыы элбэх сиригэр Оборона министиэристибэтин, МЧС кыахтарын, сириэстибэлэрин киэҥник туһанарга;
-- РФ Бырабыыталыстыбыта вакцинация уонна тестирование кээмэйэ нэдиэлэ ахсын улаатарын ситиһэригэр.
Бу дойду үрдүнэн биллэриллибит өрөбүллэргэ бары кытаатан быһыыта ылыҥ, ханна да сылдьыбакка, дьиэҕэ олоруҥ. Бэйэ-бэйэбитин харыстаатахпытына эрэ бу дьаҥы кыайыахпыт.
- 0
- 0
- 0
- 0
- 0
- 0