COVID-19 ыарыыта өрө турбутунан, Ил Дархан Айсен Николаев дьаһалынан, маны тэҥэ дьаҥы кытары охсуһар өрөспүүбүлүкээтэҕи Суһал ыстаап быһаарыытынан, Аудио-консультация киинэ аһыллынна.
Бу тэйиччиттэн консультациялар респираторной инфекциялары уонна коронавирус ыарыыны эрдэ быһаарарга уонна эмтииргэ туһуланаллар.
Ыраах нэһилиэккэ олорор өрөспүүбүлүкэ олохтоохторо балыыһаларга тиийбэккэ, быраас консультациятын миэстэтигэр, дьиэлэригэр олорон, ылар кыахтаннылар. Ол курдук, үлэҕэ профессордар, мэдиссиинэ институтун преподавателлэрэ, инники күөҥҥэ сылдьар мэдиссиинискэй тэрилтэлэр үлэһиттэрэ ыҥырылыннылар.
Бүгүҥҥүттэн саҕалаан сынньалаҥа уонна бырааһынньык күннэргэ өрөбүлэ суох сарсыарда 8 чаастан киэһэ 20.00 диэри консультация, сүбэ-ама ылыахха сөп. Нүөмэрдэ 8-800-100-14-03 . Эрийии босхо, төлөбүрэ суох.
-
0
-
0
-
0
-
0
-
0
-
0
