Парламент үлэтин билиһиннэрэр, 2024 сыл түмүктэрин таһаарар отчуот ХИФУ Педагогическай үнүстүүтүн аактабай саалатыгар олунньу 3 күнүгэр буолан ааста. Отчуокка Губинскай уокурук управатын баһылыга, Анал байыаннай дьайыы кыттыылааҕа Валентин Романов кытынна.
Отчуокка элбэх эдэр ыччат кэллэ, ол иһигэр Дьокуускайдааҕы уу тырааныспарын үнүстүүтүн устудьуоннара уопсай дьиэ хаһан тутулларын күүтэллэр. Өрөспүүбүлүкэҕэ өрүс уонна муора флотун сайыннарыы экэниэмикэ биир сүрүн соруга. Бу боппуруос былаас уорганнарыгар болҕомто киинигэр тутуллар, Ил Дархан Айсен Николаев уопсай дьиэ тутуутун өйүүрүн биллэрбитэ.
Эбийиэк бастатан туран бырайыактыыр-симиэтэлиир докумуона бэлэм буолуохтаах, ити хайысхаҕа Антонина Афанасьевна үлэлэһэ сылдьар. Ол кэнниттэн судаарыстыбаннай эспэртиисэни ааһыахтаах, тутууну үбүлүүргэ бары көмөлөөн харчытын булуохтаахтар. Устудьуоннар уопсайдара үнүстүүт утары Богдан Чижик уулуссатыгар турар хаарбах мас дьиэлэри көтүрдэхтэринэ, ол миэстэтигэр тутуллуохтаах.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
