Бу иннинэ тутааччыга -- Хаҥалас улууһун дьаһалтатыгар уонна бэдэрээтчит «Газбойлер» ХЭТ-ҕэ -- ыйыылар бэриллибиттэрэ, итэҕэстэри туоратарга этиллибитэ.
Санатан эттэххэ, спорт эбийиэгэ Өрөспүүбүлүкэтээҕи «Сахам Сирэ XXI үйэҕэ» бырагырааманан тутулунна.
Икки этээстээх саала уопсай иэнэ 1195,53 кв.м. Көҥүл тустуунан, чэпчэки атлетиканан дьарыктанарга аныгылыы тэриллэр, элбэх функциялаах тренажердар таҥыллыбыттар.
Маҥнайгы этээскэ спорт саалата, уларыттар сир, санузел, душтанар хос, мэдиссиинэ кэбиниэтэ, фойе, гардероб, касса, харабыл пууна баар.
Иккис этээскэ универсальнай саала, тренердэр уонна административнай хостор. Дьиэ тулатыгар олбуордаах. Сайыҥҥы өттүгэр көҕөрдүү ыытыллыахтаах.
«Тутааччы эбийиэк түмүктэммитин туһунан иһитиннэрии оҥорбутунан, бэрэбиэркэ буола турар. Бу түмүгүнэн эбийиэк үлэҕэ киирэрин туһунан быһаарыы ылыахпыт», -- диэн управление салайааччытын маҥнайгы солбуйааччы Влад Пермяков этэр.
- 0
- 0
- 0
- 0
- 0
- 0