Уопсайа Дьокуускайдааҕы көтөр фабрикатыттан 49680 кууруссаны аҕаллылар. Көтөрдөр Ломан Браун диэн ньиэмэс боруодата Билигин бурдук эмиэ тиэйиллэ турар. Барыта 700 туонна кэлиэхтээҕиттэн, билигин 2 вагон, ол эбэтэр 120 туонна кэлэрэ хаалла. Кыһыҥҥы суолу баттаһа, этэҥҥэ таһаҕастарын таһан бүтэрэн эрэллэр диэн Ньурба хаһыата суруйар.
- Кууруссаны уонна бурдугу атыыласпыт үппүтүн толуйуу үбэ кэлиэхтээх, — диир тэрилтэ дириэктэрэ Петр Гаврильев. — Ону таһынан улуус баһылыгын дьаһалынан нэһилиэктэргэ анаан, сайаапка быһыытынан 260 ыччат кууруссаны аҕаллыбыт.
Кулун тутар 22 күнүгэр бүтэһик кэлбит массыынаттан сайаапкалаах дьоммут кууруссаларын барытын ыллылар. Сороҕун массыына наймылаһан бэйэбит таһааран биэрдибит. 50 кууруссаны Өлөөн улууһун Ээйик нэһилиэгэр илдьэн биэриэхтээхпит. Кууруссаны таһынан нэһилиэктэргэ куурусса аһылыгын эмиэ биэрдибит. Саҥа кэлбит кууруссалар ыам ыйыттан маассабайдык сымыыттаан барыахтара. Билигин маҕаһыыннарга кэлии сымыыт атыылана турар.
Хаартыскалар: "Ньурба" хаһыат саайтытан
-
1
-
0
-
0
-
0
-
0
-
0
