Маннык быраабыла бу сыл тохсунньутуттан олоххо киирбитэ. Бу быраабыланан, маҥнайгы биэнсийэ, 2022 сыл иннинэ курдук 15 күнүнэн буолбакка, 7 үлэ күнүн иһинэн биэнсийэлээххэ тиксэриллэр. Ыйыллыбыт болдьох биэнсийэни аныыр туһунан уураах тахсыбыт күнүттэн ааҕыллар.
Саҥа быраабыла биэнсийэ бастаан төлөнөр түбэлтэтин эрэ буолбакка, биэнсийэ сөргүтүллүүтүн эмиэ таарыйар. Ол аата биэнсийэлээх атын нэһилиэнньэлээх пууҥҥа көстөҕүнэ, саҥа олохсуйбут сиригэр төлөбүрү өссө кылгас болдьох кэм иһигэр ылар буолар.
Гражданнары өҥөлөөһүн хаачыстыбатын үрдэтэр миэрэ быһыытынан Биэнсийэ пуондата маҥнайгы биэнсийэ төлөбүрүн түргэтитиини олоххо киллэрдэ.
-
1
-
0
-
0
-
0
-
0
-
0
