Тыа хаһаайыстыбатын министиэристибэтин чахчытынан, муус устар 5 күнүнээҕи туругунан, бас билии көҥүтүттэн тутулуга суох бары хаһаайыстыбаларга 162 017 таба, ол иһигэр 72 545 тыһы таба баар.
Министиэристибэ Үгэс буолбут хотугу салааларга уонна балык хаһаайыстыбатын комплексыгар отделын салайааччы Иннокентий Баланов маннык кэпсиир:
– Таба хаанын уларытар, ол эбэтэр боруоданы тупсарар сыалтан быйыл кыһын-саас Булуҥ табаһыттара Эбээн Бытантайтан 380 табаны, аллайыахалар Усуйаанаттан 800 табаны атыылаһан, сиринэн үүрэн илтилэр. Нерюнгри Иенгратын табаһыттара Усуйаанаттан 25 табаны атыылаһан, массыынанан тиэртилэр.
Сааскы хараал, табаны мунньан ааҕыы, эмтиир-сэрэтэр дьаһаллары ыытыы, табалары аналларынан араарыы үлэтэ Аллайыаха, Аллараа Халыма, Анаабыр, Булуҥ, Кэбээйи, Өлөөн, Усуйаана, Үөһэ Халыма уонна Эбээн Бытантай улуустарыгар түмүктэннэ. Билигин төрүөх үгэнэ, күн бүгүн 10 257 тугут баар.
- 0
- 0
- 0
- 0
- 0
- 0