Арассыыйа Федерациятын Бэрэсидьиэнэ 1999 с. ыам ыйын 31 күнүгэр таһаарбыт 679 №-дээх Ыйааҕынан, алтынньы ый иккис өрөбүлэ Тыа хаһаайыстыбатын уонна астыыр-таҥастыыр салаа үлэһиттэрин күнүнэн олохтоммута.
Эһиги ыарахан үлэҕитинэн нэһилиэнньэни экология өттүнэн ыраас, баай иҥэмтиэлээх, олохтоох сибиэһэй аһынан-үөлүнэн хааччыйаҕыт, дойдуга аһылык өттүнэн куттал суох буолуутун, өрөспүүбүлүкэ чэчирии сайдарын туһугар сыраҕытын уураҕыт. Үтүө суобастаах, таһаарыылаах үлэҕит, тулуургут, сиргэ тапталгыт иһин, эһиэхэ сүгүрүйэбин.
Алтынньы 7-10 күннэригэр Москубаҕа буолан ааспыт «Көмүс күһүн – 2026» Бүтүн Арассыыйатааҕы агропромышленнай быыстапкаҕа биһиги аграрийдарбыт ситиһиилээхтик кытыннылар.
Туспа махтал тыллара биһиги учуонайдарбытыга ананар. Кинилэр тыа хаһаайыстыбатын үлэтэ көдьүүстээх буоларын туһугар, билим саҥа технологияларын киллэрэллэр. Арассыыйа Федерациятын Бэрэсидьиэнэ 2016 с. таһаарбыт 350 №-дээх Ыйааҕынан оҥоһуллубут федеральнай билим-тиэхиньиичэскэй бырагыраама чэрчитинэн ыытар үлэлэрэ-хамнастара өрөспүүбүлүкэ сайдыытыгар тирэх буолар.
Эһиэхэ барыгытыгар чэгиэн доруобуйаны, ситиһиилэх үлэни, этэҥҥэ буолууну , баҕарабын.
Истиҥ эҕэрдэни кытары Александр Атласов, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ.
-
0
-
0
-
0
-
0
-
0
-
0
