2025 с. тохсунньу 1 күнүгэр диэри "Госуслуги" былаһааккаҕа бары биэдэмистибэлэр, муниципальнай тэриллии дьаһалталарын исписэлиистэригэр тиийэ холбонуохтара.
Сокуон барыла быйыл балаҕан ыйын 1 күнүттэн күүһүгэр киириэҕэ уонна сыл аҥаарынан, 2025 с. тохсунньу 1 күнүгэр диэри, бу былаһааккаҕа бары биэдэмистибэлэр холбонуохтара: муниципальнайтан федеральнай таһымҥа диэри. Бу 18 тыһ. муниципалитет уонна 40 былаас федеральнай уорганнара.
-Бу сокуон дойду хас биирдии олохтооҕор туһуланар. «Госуслуги» портал нөҥүө, личнай кабинетынан, ханнык баҕарар чунуобунньукка эбэтэр эрэгийиэн, ону сэргэ федеральнай таһымнаах салайааччыга сурук ыытыахха сөп. Итиэннэ билигин ханнык баҕарар сайабылыанньа ый болдьохтоох көрүллэр эбит буоллаҕына, этиилэри көрүү кэмэ лаппа аҕыйыыр, — диэн Госдумаҕа гражданскай уопсастыбаны сайыннарыыга, уопсастыбаннай уонна итэҕэл холбоһуктарын боппуруостарыгар кэмитиэтин бэрэссэдээтэлэ Ольга Тимофеева.
-
1
-
0
-
0
-
0
-
0
-
0
