Биһиги аптаныамыйабытын, туспа субъект буоларбытын ыарахан кэмнэргэ көмүскэспит, бэл, онтон сылтаан репрессияламмыт дьоммут, кэлин маҥнайгы-иккис бэрэсидьиэннэрбит, өрөспүүбүлүкэбит аҕа баһылыктара, Ил Дархаммыт сөптөөх бэлиитикэтэ уонна норуот бүттүүн бары үлэлэһэн, бүгүҥҥү сайдыыга тиийэн олоробут.
Оттон билигин атын түһүмэххэ олоробут. Сайдыыбыт тэтимэ бары хайысхаҕа өссө түргэн буолла. Биһиги тыйаатыр, киинэ, успуорт өттүгэр сүҥкэн ситиһиилэрдээхпит, өссө ситиһиэхпит даҕаны. Ити саха киһитэ, биһиги норуоппут талааннааҕын көрдөрөр. Атын үгүс ахсааннаах норуоттар иннилэригэр киэн туттууну үөскэтэр.
Онон мин дойдум дьонугар, сахам дьонугар эйгэҕэ барытыгар ситиһиини баҕарыам этэ. Биһиги, Ил Түмэн норуодунай дьокутааттара, кыһалҕаны өйдүүбүт, билэбит, ону туоратарга бары өттүнэн үлэлиибит. Тыа хаһаайыстыбата сайдарын, ыарахан усулуобуйаҕа олорор хоту дойду дьоно олохторо тупсарын туһугар үлэлии-хамныы сылдьабыт. Онон барыгытыгар өссө төгүл доруобуйаны, дьоллоох олоҕу, ситиһиини баҕарабын!
Павел Пинигин, Ил Түмэн дьокутаата
-
0
-
1
-
0
-
0
-
0
-
0
