100 сылынан сибээстээн үлэ-хамнас барар. Биһиги Чурапчыбыт оройуонугар үбүлүөйдээх дааталар буоллулар. Ол курдук, быйыл Чурапчы улууһа «Снежный барс» байыаннай-париотическай оонньууларга 2 хамаанда туруорбута. Хамаандаларбыт I уонна III миэстэҕэ тиксибиттэрэ. Онон биһиги оҕолорбут манна бэлэмнээхтэрин өрөспүүбүлүкэҕэ көрдөрдүлэр. Билиҥҥи халбаҥ кэмҥэ патриотическай иитии оҕолорго олус суолталаах. Аны быйыл саха алпаабытын олохтообут Новгородов, кыһыл бартыһаан Уот Субуруускай уонна роман жанрын саха литературатыгар киллэрбит Сэмэн Степанович Яковлев-Эрилик Эристиин үбүлүөйдэрэ. Эрилик Эристиин «Маарыкчаан ыччаттара» айымньытынан П.А. Ойуунускай Саха академическай тыйаатыра "Уоттаах сүрэхтээхтэр" диэн испэктээк көрдөрдүлэр. Биһиги дьоммут үөрэ-көтө, сөҕө-махтайа бу испэктээги көрдүлэр. Сэбиэскэй былаас олохтонуутугар үлэлээбит ыччаттар тустарынан билиҥҥи ыччакка сүрдээх үчүгэй өйдөбүл хаалла. Биһиги билигин Украинаҕа буола турар быйыаннай дьайыыларынан сибээстээн олус быһаарыыта суох кэмҥэ олоробут. Эрилик Эристиин айымньыта билиҥҥи олоххо майгынныыр эбит. Инньэ гынан, бу үбүлүөйдээх даатабытыгар Эрилик Эристиин айымньыта сыанаҕа турбута сүрдээх суолталаах. Өрөспүүбүлүкэ 100 сыллаах үбүлүөйэ өрө көтөҕүллүүлээхтик, киэҥ ис хоһоонноохтук барыа диэн эрэнэбин. Итигирдик этэн тураммын, мин дьоммор-сэргэбэр чэгиэн-чэбдик доруобуйаны, тупсаҕай олоҕу-дьаһаҕы, эдэр оҕолорбутугар туйгун үөрэҕи баҕарабын.
Семен Никитин, Ил Түмэн дьокутаата
-
0
-
0
-
0
-
0
-
0
-
1
