Иэйэхсит ыйа – ыраастаныы ыйа
Издательский дом Редакция Подписка
Погода в Якутске: . 22 oC

Бииргэ буолуу, сомоҕолоһуу, бэйэ-бэйэни өйөнсүү-өйдөһүү парааттаан хаамыы эрэ буолбатаҕын туоһута тэрээһин – субуотунньук . Субуотунньук куруутун саамай наадалаах, саамай тоҕоостоох түгэннэргэ, күннэргэ-дьылларга тэриллэр.

Бииргэ буолуу, сомоҕолоһуу, бэйэ-бэйэни өйөнсүү-өйдөһүү парааттаан хаамыы эрэ буолбатаҕын туоһута тэрээһин – субуотунньук . Субуотунньук куруутун саамай наадалаах, саамай тоҕоостоох түгэннэргэ, күннэргэ-дьылларга тэриллэр.


Бүгүн, ол эбэтэр 15.05.22, Хатас сэлиэнньэтин «Сардаҥа» түөлбэтин көхтөөх дьоно, дьиэтээҕи түбүгү, дьиэни-уоту быраҕан туран, биир сынньалаҥ күннэрин нэһилиэкпит көстүүтэ үтүө буоларыгар, сылдьар ыырбыт ырааһырарыгар анаммыт субуотунньугу тэрийдилэр.

7436cdcd 6970 49ca b6a8 4540b04a0fab

Үлэ сарсыарда 10 чаастан саҕаланна. Бары да билэрбит курдук, «Сардаҥалар» территорияларыгар «старай конечка», «күөх эрэстэрээн», «Халанча» биэрэгэ, «Ремикс» маҕаһыын тулата киирэллэр. Дьэ, этэргэ дылы, бэйэ кэнниттэн кэннини хайыһан көрбөт буолуу диэн хартыыната, айылҕаҕа сыһыан сатарайыыта, өй-санаа ыһыллыыта бу этиллибит сирдэргэ дьэҥкэтик көстөр. Ону бу түөлбэ дьоно-сэргэтэ кэккэ сылларга сыал-сорук туруорунан туран, кэмиттэн кэмигэр хомуйар буолан, бу бүгүҥҥү күҥҥэ урукку сыллардааҕар лаппа аҕыйах куулу хомуйдубут диэн үөрэллэр.
«Сардаҥа» түөлбэ олохтоохторо нэһилиэкпит уопсастыбаннай олоҕун тыгыалас тымырын тутан олорор сүрдээх оҥоруохха-тутуохха баҕалаах, көхтөөх дьон. Этэргэ дылы, ырыа диэтэххэ -- ырыа, үҥкүү диэтэххэ -- үҥкүү, театр, үлэ-хамнас бастыҥнара, чөл, чэгиэн олох чаҕылхай холобурдара манна бааллар. Бэрт соторутааҕыта Нохсоороптор, Соровтар тустарынан суруйан турабын.
Бүгүҥҥү күҥҥэ дьиэ кэргэнинэн кыттыбыт Ольга, Олег Михайловтарга, Маргарита, Николай Андросовтарга, оҕолорун,куораттан кэлбит тастыҥ быраатын, балтын - Егоминнары мунньан, халыҥ хамаандалаах Дария Герасимоваҕа, дьиэ кэргэнинэн сылдьыбыт Алеша Соломоновка, сиэннэрин кытта бэйэтэ биир биригээдэ дьонноох Марина Соломоноваҕа, манна даҕатан эттэххэ Марина Васильевна сиэнэ Кирилл Григорьев бу субуотунньукка анаан куораттан кэллэ, Шура, Наталья Нохсороваларга, Саргылана Петроваҕа, Мария Казановаҕа, Ксенофонт, Амелия Ивановтарга, Максим, Данил Егоровтарга барҕа махтал буоллун.

3f79c9d9 ee4e 48de 9055 caab49f8f703 1

Субуотунньукка оҕолор бааллара айылҕаҕа сыһыаҥҥа, ийэ дойдуга бэриниилээх буоларга, бэйэ-бэйэҕэ сыһыаҥҥа, ылбаҕай буоларга атыттарга үтүө холобур буолара мөккүөрэ суох. «Сардаҥа» түөлбэ саҥа талыллыбыт салайааччыта Николай Михайлович Андросов бу маннык тэрээһиннэргэ дьонун –сэргэтин кытта көрсөр-кэпсэтэр, инникини былааннаһар. Субуотунньугу тэрийээччилэртэн, көҕүлээччилэртэн биирдэстэрэ Марина Васильевна бэлиэтииринэн, оҕолор улаатаннар тутталлара-хапталлара, сатыыллара, кыайаллара-хотоллоро элбээбит онон үлэлииргэ-хамсыырга да бэрт диир.

0435d2a2 d51e 4b59 9500 5a906efc14bf

Туох барыта ким эрэ көҕүлээһиниттэн, саҕалааһыныттан саҕаланар. Бу түгэҥҥэ Марина Васильевна Агафья Алексеевна Черноградскаяҕа махталлаах: «Күннээҕи түбүккэ ыктаран умна быһыытыйдахха даҕаны, кини "хайа хаһан" диирэ олус үчүгэй» - диир.
Дьэ ити курдук бүгүҥҥү күн «Сардаҥа» түөлбэ үтүө дьыаланан өйгө-санааҕа хаалар тэрээһини тэрийдэ.


Н.Руфова. Хатас. Ыам ыйа.

  • 7
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13