Ол эбэтэр ааспыт сылы кытары тэҥнээтэххэ, быйыл икки төгүл элбэх ыал бу өйөбүлүнэн туһаныаҕа. Ол курдук, 14 оройуонтан 5-тэн элбэх оҕолоох 124, уонна 10-тан элбэх оҕолоох 2 ыал (Сунтаартан уонна Ленскэйтэн) бу харчыга тиксэллэр. Бу туһунан СӨ Үлэҕэ уонна социальнай сайдыыга миниистирин солбуйааччы Елена Теплякова иһитиннэрдэ.
Маныаха тустаах сыалга Саха Сирин бүддьүөтүттэн 500,00 мөл солкуобай тыырыллыбыт.
Санатан эттэххэ, 2021 сыллаахха олорор усулуобуйаларын элбэх оҕолоох 56 дьиэ кэргэн өрөспүүбүлүкэбитигэр тупсарбыт. Онуоха өйөбүл уопсай суумата 199,2 мөл солкуобай эбит.
Манна даҕатан эттэххэ, Айсен Николаев Ил Түмэн дьокутааттарыгар туһаайан этиитигэр, сокуоннай саастарын туола илик биэс уонна онтон элбэх оҕолоох ыаллар дьиэ тутталларыгар эбэтэр атыылаһалларыгар бэриллэр социальнай өйөбүл уочаратын түргэтитэр соругу туруорбута. “30 сыл кэтэспэттэрин курдук, табыгастаах мэхэньиисими толкуйдааҥ”, -- диэбитэ. Онон хамсааһын сыыдамсыйбыта билиннэ.
- 1
- 0
- 0
- 0
- 0
- 0