Издательский дом Редакция Подписка
Погода в Якутске: . -14 oC

От ыйын 2 күнүгэр тыыл, үлэ бэтэрээнэ, СӨ тыа хаһаайыстыбатын туйгуна Иннокентий Васильевич Кардашевскай 90 сааһын томточчу туолбут күнүн оҕолорун, сиэннэрин, хос сиэннэрин уонна аймах-билэ дьонун ортотугар  үөрүүлээх  быһыыга-майгыга бэлиэтээтэ.

От ыйын 2 күнүгэр тыыл, үлэ бэтэрээнэ, СӨ тыа хаһаайыстыбатын туйгуна Иннокентий Васильевич Кардашевскай 90 сааһын томточчу туолбут күнүн оҕолорун, сиэннэрин, хос сиэннэрин уонна аймах-билэ дьонун ортотугар  үөрүүлээх  быһыыга-майгыга бэлиэтээтэ.

 122cdbe2 916f 4ca4 9039 bdd02f6c3afd

Иннокентий Васильевич Кардашевскай 90 сааһын бэлиэтээн, Арассыыйа президенэ В.В. Путин, СӨ Ил Дархана А.С. Николаев, улуус баһылыга В.С. Поскачин Эҕэрдэ суруктара туттарылыннылар.

Безымянный 74

 Киниэхэ Нам, Балаҕаннаах, Ороһу нэһилиэгин баһылыктара А.И Кардашевский., С.И. Дмитриев, А.В Антонов уонна араас кэмнэргэ элбэхтик алтыспыт, үлэлэспит дьоно Эҕэрдэ аадырыстары туттардылар, итии-истиҥ тыллары этэн туран, 100 сааһыгар диэри этэҥҥэ сылдьарыгар баҕардылар.

794fb8b1 0e40 4ee0 8def 0475126d72d5 1

Иннокентий Васильевич 1932 сыллаахха Балаҕаннаахха төрөөбүтэ. Оҕо, эдэр саастара манна ааспыта. Кини кыра эрдэҕиттэн холкуос үлэтигэр эриллэн улааппыта уонна сырыылаах сылгыһыт, сорсуннаах булчут, туруу үлэһит буола үүммүтэ. Исидор Барахов сопхуос Нам отделениетыгар үлэлиир кэмнэригэр үчүгэй таһаарыылаах үлэһит буоларын таһынан, сайын аайы Бэс Үрэҕэр оскуола оҕолорун оттуур звенотун салайан, от кэмигэр 200-тэн тахса тонна оту оттоон туттаран, Үөһээ Бүлүү оройуонугар бастыҥ көрдөрүүлээх буолар этилэр. Оттон кыһыҥҥы өттүгэр андаатардаан, былаанын куруук аһара толороро.

Иннокентий Васильевич оҕо эрдэҕиттэн үлэҕэ эриллибит буолан, эт-хаан өттүнэн сайдыылааҕа, күүстээх, быһый, сымса этэ. Ол курдук, хапсаҕай тустуунан дьарыктанан, Исидор Барахов аатынан сопхуос Үөһээ Бүлүү оройуонун ыһыахтарын күрэхтэһиилэригэр уонна хапсаҕайга элбэхтэ миэстэлэһэрэ. Ити тустар кэмигэр өрөспүүбүлүкэ хапсаҕайга кыайыылаахтарын Манчаары оонньуутун чемпиона  Быыбар Быкалыырабы, Уйбаан Григорьевы уонна да атын күүстээх бөҕөстөрү кыайталаан турардаах. Маны таһынан, кини Манчаары оонньууларыгар харах кыы быраҕыытыгар үһүс миэстэни ылары ситиспитэ.

e683718c 4dfd 4595 8947 c3de235b4c9b

Иннокентий Васильевич 90 сааһын Верхоян диэн атын үрдүгэр олорон көрүстэ. Ол курдук, кини уола Спартак Кардашевскайы кытта бэйэлэрин хаһаайыстыбаларыгар хас да атыыр үөрэ сылгылаахтар, ону көрөн-истэн, харайан, сылын аайы элбэх кулуну ылары ситиһэллэр, иитэллэр.

Уолаттарын кыра эрдэхтэриттэн спорка көҕүлээн, Чурапчы спортивнай оскуолатыгар ыыталаан, үөрэттэрэн, тустууга дьарыктанан, Аскалон Кардашевскай ССРС көҥүл тустууга, хапсаҕайга Саха Өрөспүүбүлүкэтин тустууга маастара. Манчаары оонньууларын чемпиона, элбэх өрөспүүбүлүкэтээҕи күрэхтэһиилэр чемпионнара, призердара.

Александр Кардашевскай көҥүл тустууга ССРС спордун маастарыгар кандидат, хапсаҕайдаһан тустууга СӨ спордун маастара, Манчаары оонньууларын үс төгүллээх үрүҥ көмүс призера, өрөспүүбүлүкэ күрэхтэһиилэрин элбэх төгүллээх чемпиона, призера.

Спартак Кардашевскай мас тардыһыыга спорт маастарыгар кандидат, Бүлүү зонатын Үөһээ Бүлүү оройуонун мас тардыһыыга күрэхтэһиилэрин  чемпионнара, призердара.

Алта оҕо тапталлаах аҕата, элбэх сиэн, хос сиэн күндү эһээтэ, саха саарына, киһи кэрэмэһэ Иннокентий Васильевыһы 90 сааһын томточчу туолбут өрөгөйдөөх үбүлүөйүнэн сахалыы сайаҕас истиҥ-иһирэх тылларынан эҕэрдэлээн туран, 100 сааһыгар диэри сүһүөҕүн үрдүгэр, мииннэр атын уорҕатыгар сылдьарыгар баҕарабыт!

Үөһээ Бүлүү улууһун Балаҕаннаах нэһилиэгин баһылыга,

СӨ норуотун хаһаайыстыбатын үтүөлээх үлэһитэ

Степан Дмитриев.

Балаҕаннаах сэлиэнньэтэ,

 2022 сыл .от ыйын 3 күнэ.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Аартыка күнүнэн!

Бүгүн, кулун тутар 19 күнүгэр, Саха Өрөспүүбүлүкэтигэр Аартыка күнэ. Ил Түмэн аатыттан…
19.03.24 11:57