Уу да уот
Издательский дом Редакция Подписка
Погода в Якутске: . -2 oC

Сайын аайы Саха Сиригэр айылҕа икки күүһэ баарын биллэрэр – уу уонна уот. Быйыл хаһааҥҥытааҕар да бэлэмнээхтик ойуур баһаардарын сезонун көрсүбүппүт. Ол да буоллар, куйаас күннэр ханнык да сэбилэниини, тиэхиньикэни, ааттаах үчүгэй бэлэми кыайар аналлаахтар.

Сайын аайы Саха Сиригэр айылҕа икки күүһэ баарын биллэрэр – уу уонна уот. Быйыл хаһааҥҥытааҕар да бэлэмнээхтик ойуур баһаардарын сезонун көрсүбүппүт. Ол да буоллар, куйаас күннэр ханнык да сэбилэниини, тиэхиньикэни, ааттаах үчүгэй бэлэми кыайар аналлаахтар.

 Ол курдук, күн бүгүн от ыйын 9 күнүгэр өрөспүүбүлүкэҕэ 77 ойуур баһаара уопсайа 51 992 га иэннээх сиргэ күүдэпчилэнэ турара бэлиэтэммит. Ити Чурапчы, Мэҥэ Хаҥалас, Томпо, Мииринэй, Өлөөн, Уус Маайа, Алдан, Нерюнгри, Хаҥалас (Өлүөнэ очуос таастара), Өймөкөөн улуустарыгар.

табло

Былырыын баччаларга 323 баһаар баарын тэҥнииллэр.

сравни

Төһө да быйыл аҕыйаҕын иһин, “Таҥара сэрэҕи сөбүлүүр”. Маныаха уоту умуорууга  486 киһи, 29 тиэхиньикэ үлэлии сылдьар.

Сөмөлүөтүнэн үрдэрэн, былыты мунньан, сөҥүүнү тохтоло суох күн аайы кэриэтэ түһэрэ сылдьаллар.

Аны туран, сорох улуустарга ардахтан уу таһыма үрдүүр. Икки хонуктааҕыта Өлүөхүмэҕэ оннук балаһыанньа бүрүүкээбит эбит буоллаҕына, бэҕэһээ Кэбээйи Сэбээн Күөлүн дьиэлэрэ ууга бара сыстылар.

index 4

Хата, киэһэтин уу түһэн саҕалаабыта. Ол да буоллар, 27 тэлгэһэҕэ киирбитэ.  58 киһини эвакуациялаан, быстах кэмҥэ олорор сиргэ көһөрбүттэрэ. Госкомобеспечение бэрэссэдээтэлин солбуйааччы Иннокентий Андросов: "Бу искусственнай ардахтартан буолбатах. Циклон кэлэрэ биллэр этэ. Зондировщик көтөр ааллар хоту өттүгэр сылдьыбаттар, Нерюнгри эҥээр үлэлииллэр", -- диэн чопчулаата.  

сэьэн

Бүгүн Үөһээ Дьааҥы Дулгаҕалааҕар, Суордааҕар, Сартаҥар, Адыаччытыгар куттал суоһаата, хайалартан бөһүөлэккэ кута турар. Суордаахха 88  дьиэ ууга барда. 326 киһини эвакуациялыыллар. Итинтэн 20 киһитин (12 оҕо уонна 8 аҕам саастаах) улуус киинигэр Баатаҕайга илдьэллэр.

суордаъ

Балаһыанньаны билсэ, сүрүннүү, СӨ Бырабыыталыстыбатын бэрэссэдээтэлин солбуйааччы Дмитрий Садовников бүгүн сарсыарда бөртөлүөтүнэн Дьааҥыга көттө.

садо

  

  • 0
  • 0
  • 0
  • 3
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости