Дьокуускайга Саха Сирин устудьуоннарын этэрээттэрэ 55 сылын бэлиэтээтилэр
Издательский дом Редакция Подписка
Погода в Якутске: . -40 oC

Бэҕэһээ М.К.Аммосов аатынан ХИФУ “Сэргэлээх уоттара” култуура киинигэр устудьуоннар тутар этэрээттэрин сайыҥҥы үлэлэрин түмүктүүр сүлүөттэрэ буолла диэн sakha-sire.ru иһитиннэрэр.

Бэҕэһээ М.К.Аммосов аатынан ХИФУ “Сэргэлээх уоттара” култуура киинигэр устудьуоннар тутар этэрээттэрин сайыҥҥы үлэлэрин түмүктүүр сүлүөттэрэ буолла диэн sakha-sire.ru иһитиннэрэр.

Сүлүөт тутар этэрээттэр тэриллибиттэрэ 55 сылыгар ананна. Эдэр ыччат тэрээһинэ буолан, ырыа-тойук, өрө көтөҕүллүү манна баар этэ. Үбүлүөйдээх сылынан бэтэрээн байыастар  (“Аргыс”, “Чэчир”, “Чайка”, “Дьулуур, “Софим”) түмсэн, эдэр байыастарга баҕа санааларын тиэртилэр. Тутар этэрээттэри дьоро күнүнэн “Арассыыйа устудьуоннарын этэрээттэрэ” Ыччат бүтүн Арассыыйатааҕы уопсастыбаннай тэрилтэтин Саха сиринээҕи эрэгийиэннээҕи штабын салайааччыта Айсен Соловьев эҕэрдэлээтэ.

1 1

Кини бу сайын 2512 байыас Саха сиригэр уонна өрөспүүбүлүкэ тас өттүгэр араас салааларга үлэлээбиттэрин бэлиэтээтэ. Устудьуоннар сэттэ хайысханан (тутуу, педагогика, сервис, идэтийбит, мобильнай, үлэ) таһаарыылаахтык үлэлээн, сынньалаҥнарын туһалаахтык атаарбыттар. Холобура, 973 ыччат тутуунан дьарыктаммыт. Кинилэртэн сорохторо халаан уутугар эмсэҕэлээбит Дьааҥы улууһун нэһилиэктэригэр чөлүгэр түһэриигэ көмөлөһөн, дьон-сэргэ, тэрилтэлэр дьиэлэрин-уоттарын этэҥҥэ оҥостон, кыстыкка киириилэригэр төһүү күүс буолбуттар.

boecz4

Салгыы өрөспүүбүлүкэ Ил Дарханын уонна бырабыыталыстыбатын дьаһалтатын салайааччы Георгий Михайлов устудьуоннары дьиҥнээх дьоруойдарынан ааттаан туран, бу сайын Уус Алдаҥҥа, Дьааҥыга таһаарыылаахтык үлэлээбиттэригэр махтанна. Уонна Саха сирин Ил Дарханын бириэмийэтин бастыҥ байыастарга туттарда. Бу – 100 тыһыынча солкуобайдаах бириэмийэ. “СӨ тутар этэрээттэрин бастыҥ хамандыыра” ааты Надежда Бурнашева (“Максимум”), “Бастыҥ хамыһаар” аатын Анисия Титова, “Бастыҥ байыас” аатын Анжелика Захарова (педэтэрээт) уо.д.а. ыллылар.  Саха Өрөспүүбүлүкэтин министиэристибэлэрин салайааччылара эмиэ устудьуоннарга махтанан туран, наҕараадаларын үөрүүлээх быһыыга туттардылар. Валентина Гоголева, Евгений Афанасьев, Архип Аввакумов, Афанасий Филиппов, Вячеслав Стручков, Михаил Афанасьев уо.д.а. бастыҥ үлэлэрэ бэлиэтэннэ, ол аайы саалаҕа ытыс хабыллан олордо. Эрчимнээх үҥкүү, гитаранан ырыа бу киэһэ хойукка диэри буолла.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости