"Бүгүн, ыам ыйын 31 күнүгэр, биһиги улууспутугар улахан суолталаах күн буолла. Бу түгэни ньурбалар күүппүппүт, туруорсубуппут 30-тан тахса сыл буолла. Улууспут сайдыытыгар улахан олук ууруохтаах IX Спортивнай оонньуулар тэрээһиннэригэр анаан 7,7 млрд солк. көрөргө СӨ Ил Дарханын дьаһала таҕыста.
Манна 6 спортивнай эбийиэк тутуута киирэр. Бу — Ньурба к. 3000 миэстэлээх, сүүрэр манежтаах стадион, бассейннаах физкултуурунай-чэбдигирдэр киин, 50 миэстэлээх, интэринээттээх күөн көрсүү (единоборство) саалата, Чаппанда с. спортивнай саала , Антоновка с. оҕунан ытыы комплекса уонна Сүлэ с. спортивнай саала.
Ону таhынан 4 үөрэх эйгэтин тутуута үбүлэниэҕэ: 360 миэстэлээх Ньурба 3 № -дээх оскуолата, Убайааҥҥа 550 миэстэлээх оскуола, Антоновкаҕа 150 миэстэлээх уһуйаан уонна Антоновкаҕа 288 миэстэлээх оскуолаҕа эбии самалык тутуу.
Доруобуйа харыстабылын уонна култуура эйгэлэригэр Киин балыыһа 2-с уочаратын тутуута, Маарга 170 миэстэлээх култуура дьиэтин, Антоновка,
Тэхиниичэскэй лиссиэй оскуолаларын хапытаалынай өрөмүөннэрэ ыытыллыаҕа.
Итиэннэ ууну ыраастыыр ыстаансыйа, Федеральнай суол кытыытыгар сытар нэһилиэктэр киин суолларын аспааллааһын, Куоначчаан үрэҕин туоруур муоста тутуута, “Быһыттаах – Маалыкай”, “Чуукаар – Быһыттаах”, “Киров – Чуукаар” хайысхаларынан суоллар өрөмүөннэрэ, онтон да атын элбэх үлэ ыытыллара былааннанар.
Онон биһигини үчүгэй, күүстээх үлэ күүтэр! Улууспут сайдыытын туһугар уопсай күүспүтүн түмүөҕүҥ!"
-
0
-
0
-
0
-
0
-
0
-
0
