Издательский дом Редакция Подписка
Погода в Якутске: . 23 oC

Ахсынньы 7 күнүгэр Амма улууhун Мээндиги нэhилиэгин Хонору үрэҕин туоруур күргэ үөрүүлээхтик аhылынна.

Ахсынньы 7 күнүгэр Амма улууhун Мээндиги нэhилиэгин Хонору үрэҕин туоруур күргэ үөрүүлээхтик аhылынна.

Сааскы халаан уутун хоромньутуттан эмсэҕэлээбит күргэни чөлүгэр түһэрии СѲ тутуу министиэристибэтин чөлүгэр түһэриигэ анал бырагырааматын чэрчитинэн Амма улууһун дьаһалтатын, «Мээндиги нэһилиэгэ» МТ күүстэринэн ыытылынна диэн улуус дьаhалтатын пресс-сулууспата иhитиннэрэр.

Бэдэрээтчит Павлов Егор Юрьевич, биригэдьиир Семенов Василий Максимович, Никифоров Айсен Степанович, Охлопков Семен Дмитриевич уонна Мээндиги тутааччылара Охлопков Михаил Прокопьевич, Кривошапкин Владимир Романович, Иванов  Михаил Николаевич күргэни тымныыны аахсыбакка, бириэмэтигэр, хаачыстыбалаахтык тутан туттардылар.

Күргэ арыллыытын үөрүүлээх чааһыгар Амма улууһун баһылыга Кузьмин Степан Николаевич, муниципальнай сакаасчыт сулууспатын начаалынньыга Новиков Николай Александрович кыттыыны ыллылар.

Попов Егор Николаевич алгыстаата. Ыалдьыттары «Сырал» ийэлэр түмсүүлэрин чилиэннэрэ Пухова Нелли Викторовна, Стручкова Светлана Николаевна, Шишлянникова Галина Николаевна, Филиппова Анастасия Иннокентьевна алаадьынан күндүлээтилэр. Олохтоох дьаһалта, «Алгыс» култуура киинин күүстэринэн сандалы тэрилиннэ.

Хонору күргэтэ нэһилиэк тыын суолталаах эбийиэгэ буоларынан олохтоотор үөрүүлэрэ, тутааччыларга махталлара улахан. Сайын бу оттуур ходуһаларыгар, турбаазаларга барар, кыһын от-мас, муус тиэйиитин суола буолар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением