Ааспыт сууккаҕа авиацияннан уонна космическай мониториннарынан 4370 га иэннээх сиргэ 14 ойуур баһаара биллибит.
“Суукка саҕаланыыта уопсайа 10 030 га иэҥҥэ 21 ойуур баһаара баар. Былырыын бу кэмҥэ 80 тыһ. гектартан ордук сиргэ 55 ойуур баһаара бэлиэтэммитэ. Биирдии ойуур баһаара Аммаҕа, Горнайга, Булуҥҥа, Мэҥэ-Хаҥаласка, Орто Халымаҕа, иккилии Алдаҥҥа, Үөһээ Халымаҕа, Томпоҕо, үс Өймөкөөҥҥө уонна сэттэ Уус Майаҕа баар. Маны тэҥэ Булуҥҥа уонна Уус Майаҕа 342 га сиргэ 2 сиринэн умайыы баар”, - диэн Коноплев иһитиннэрдэ.
Баһаартан сэрэхтээх буолуу сезона саҕаланыаҕыттан 16 598 га иэннээх сиргэ 70 ойуур баһаара уонна 1651 га сиргэ 47 атын категория сирдэригэр сиринэн умайыы бэлиэтэммит.
Бэс ыйын 29 күнүгэр Аммаҕа, Ньурбаҕа, Өлүөхүмэҕэ, Тааттаҕа, Өймөкөөҥҥө баһаарга муҥутуур кутталлах төрдүс кылаас биллэриллэн турар.
Баһаартан сэрэхтээх буоларга искуственнай сөҥүүлэри түһэрии үөрэтиллэр. Маныаха зондировщик үлэлиирэ былааннанар.
Галина Мозолевская хаартыската, СИА.
-
0
-
0
-
0
-
0
-
0
-
0
