Өрөспүүбүлүкэ орто анал үөрэхтэригэр докумуону тутааһын бэс ыйын 20 күнүттэн саҕаламмыта. Быйыл докумуоннары электроннай ньыманан https://edu.e-yakutia.ru үөрэх өҥөлөрүн порталларын нөҥүө биэрэллэр. Абитуреннар ордук “Информационные системы и программирование”, “Сестринское дело” уонна “Мастер по ремонту и обслуживанию автомобилей” идэҕэ үөрэтэр кыһаларга сайабылыанньаларын биэрбиттэр. Ол эрээри абитуриеннар электроннай ньыманан сайабылыанньа биэрэллэригэр кыһалҕалары көрсөллөр, регистрацияны ааһалларыгар сыыһа диэн таһаарар эбит. Маныаха портал үлэһиттэрэ быһаараллар: кыбытар файл кээмэйэ 1Мбайтан улахан кээмэйдээх буоллаҕына, регистрация сатаммат. Ол иһин файл кээмэйин кыччатар ирдэнэр.
Орто анал үөрэххэ киирии туһунан ыйытыыны Саха өрөспүүбүлүкэтин үөрэххэ уонна наукаҕа министиэристибэ “итии линиятыгар” 50-60-44 нүөмэринэн эрийэн ыйытыаххытын сөп. Ол туһунан СӨ үөрэххэ уонна наукаҕа министиэристибэ пресс-сулууспата иһитиннэрэр.
-
0
-
0
-
0
-
0
-
0
-
0
