Дмитрий Местников, аангылыйа тылын учуутала:
Үөрэҕэрии эйгэтигэр үксүн улахан ситиһиинэн С.А. Новгородов сахалыы алпаабыта буолар диэн саныыбын. Тоҕо диэтэр, Новгородов таҥмыт алпаабыта саха сирин култууратыгар улахан хамсааһыны оҥорбута. Кини алпаабытынан "Кыым" хаһыат бастакы нүөмэрдэрэ бэчээттэнэн барбыттара, ону таһынан 30 тахса учуобунньук уонна хас да кинигэ.
Георгий Антипин, фронт-енд разработчик:
Бастакынан Саха сиригэр IT эйгэтэ 30 сыл эрэ буолла. Ити кэмҥэ эҥин-араас IT хампаанньа бөҕө аһыллар, ол гынан баран бу көннөрү үөскээбэт. Маннык усулуобуйаҕа дьон интэриэһин анньан биэрэр диэн интэриниэт провайдердара сайдыыларыгар саамай улахан кылааты биэрдилэр — түргэн Интэриниэт, оптика, мобильнай Интэриниэт, 4G, оннук-маннык.
Артамон Максимов, саахымат тириэньэрэ:
Саха сиригэр саахымат 100 сыл иһигэр сайдыыта уопсай оонньуур таһым урдээбитигэр, ону таһынан маастардар баар буолбуттарыгар көстөр.
Роберт Николаев, өйөбүл сулууспатын исписэлииһэ:
Мин өйөбүлгэ үлэлиибин. Сүрүн ситиһиини Саха Сиринэн муҥурдуур кыаҕым суох. Киэҥник ылар буоллахха, социальнай ситимнэри уонна мессенджердэргэ боттары этиэм этэ.
- 1
- 1
- 0
- 0
- 0
- 0