2022 сыл бэс ыйын 1 күнүттэн лицензия ыларга суругунан сайабылыанньаны тохтотоллор. “Госуслуги” портал нөҥүө онлайн эрэ биэрэр буолаллар. Маннык электроннай ньыманан сыл саҕаланыаҕыттан тустаах биэдэмистибэҕэ сэттэ управляющай хампаанньа сайабылыанньа түһэрбит.
Аны туран, 2022 сыл кулун тутар 1 күнүттэн сайабылыанньаны көрүү болдьоҕо кылгаабыт. Ол курдук, лицензияны биэрии туһунан быһаарыы эбэтэр аккаастыыр сурук сайабылыанньа киирбит күнүттэн 30 үлэ күнүн, оттон лицензияны уһатыы быһаарыыта 15 үлэ күнүн иһинэн ылыллар.
Маны тэҥэ докумуоннары биэрии эбии пууна суох буолбут – аттестат куоппуйата, дуоһунаска бигэргэтии туһунан бирикээс, описьтар. Сайабылыанньаҕа бэйэтигэр салайааччы квалификационнай аттестатын дааннайдарын эрэ ыйаллар (аата-суола уонна аттестат нүөмэрэ).
«Лицензия ылыан баҕалаахтар уонна үлэлии сылдьар управляющай хампаанньалар бу сыл бүтүөр диэри лицензияны босхо ылыахтара эбэтэр болдьоҕун уһатыахтара. Ол эбэтэр 2022 сыл кулун тутар 14 күнүттэн ахсынньы 31 күнүгэр диэри үөһэ этиллибит өҥөлөргө сайабылыанньа биэрбиттэр пошлинаттан босхолоноллор», - диэн управление салайааччытын маҥнайгы солбуйааччы Влад Пермяков быһаарар.
-
0
-
0
-
0
-
0
-
0
-
0
