- Биһиги көҕүлүүр бөлөхпүт Маҕарас сэлиэнньэтин аттыгар тутуллуохтаах микрооройуон бырайыагын оҥоро сылдьар. Маннык нэһилиэнньэлээх пуун “микрополис” диэн буолар.
Микрополис куораттан туох да итэҕэһэ суох сайдыылаах буолуохтаах. Ол эрээри тыа олоҕун-дьаһаҕын харыстаан илдьэ сылдьар аналлаах. Дьон ити иһин сөбүлээн олохсуйар сирэ буолар чинчилээх.
Маннык идиэйэ аан маҥнай 2019 сылга үөскээбитэ. Саха Сиригэр сэбиэскэй кэмҥэ сэлиэнньэлэри сопхуостар уонна холкуостар тутан олорбуттара. Оттон балар ыһыллыбыттарын кэннэ, нэһилиэги сүрүннүүр тэрилтэ суох буолбута. Оттон олох укулаата уруккутунан хаалбыта. Ол түмүгэр дэриэбинэттэн куоракка көһүү үксээбитэ.
Дьон тыа сириттэн көһөн барбатын туһугар усулуобуйаны тупсарыах тустаахпыт. Тыа олоҕун куорат олоҕун таһымыгар чугаһатыахтаахпыт.
Бырайыагы олоххо киллэрэргэ билигин учаастактар оформлениелара оҥоһулла сылдьар. Ол курдук, “Уһук Илин гектар” бырагырааманан өрөспүүбүлүкэ араас муннуктарыттан 24 ыал сайабылыанньа биэрдэ. Бу бырайыак олоххо киириитин Горнай улууһун дьаһалтата бигэргэппитэ. 2035 сылга микрополиска 10000 киһи олорор буолуо диэн былаанныыбыт. Бырайыак СӨ Тутууга министиэристибэтин инфраструктураны оҥорорго субсидиятынан үбүлэнэр. “Уһук Илини уонна Аартыканы сайыннарар корпорация” акционернай тэрилтэ бу үлэҕэ кыттыһан, биһиэхэ көмөлөһө сылдьар. Барыта сатаннаҕына, Маҕарас сэлиэнньэтигэр микрополис тэриллэн, атын улуустарга, эрэгийиэннэргэ холобур буолуо этэ.
Көҕүлүүр бөлөхпүт Госдумаҕа этиилээх, ону Николай Сергеевич Валуев тиэрдээр диэн көрдөһөбүт: территорияны сайыннарыы экспериментальнай зоналарын тэрийэргэ сокуон оҥоһуллуон наада.
-
1
-
0
-
0
-
0
-
0
-
0
