Тииһинэн олоруу уонна хамнас алын кээмэйдэрэ, итиэннэ биэнсийэ Арассыыйа үрдүнэн бэс ыйын 1 күнүттэн 10% индексацияланыахтара. Бу туһунан «Российская газета» иһитиннэрэр.
Биэнсийэ орто кээмэйэ 20 тыһыынча солкуобайга диэри улаатыа. Эбиллии хас биирдии түгэҥҥэ араас, ортотунан 1760 солкуобайынан үрдүө уонна 19360 солкуобайга тэҥнэһиэ.
Санатан эттэххэ, маннык дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин сорудахтаабыта. Кини: "Быйылгы сылга киирэн баран, тохсунньу 1 күнүттэн үлэлээбэт биэнсийэлээхтэр биэнсийэлэрин страховой чааһа 8,6 %-ынан индексацияламмыта. Онон, ааспыт сылга тэҥнээтэххэ, биэнсийэ кээмэйэ 19,5 % үрдэтилиннэ. Ити инфляция таһымын куоһарар. Бэс ыйын 1 күнүттэн тииһинэн олоруу алын кээмэйэ 10 %-ынан үрдэтиллэн, ортотунан 12 919 солкуобайга тэҥнэһиэҕэ. Маны таһынан, хамнас төлөбүрүн алын кээмэйэ 10 %-ынан үрдэтиллэн, ортотунан 15 278 солкуобайга тиэрдиллиэҕэ", – диэбитэ.
Үлэ уонна социальнай харалта миниистирэ Антон Котяков быһаарбытынан, дойду үрдүнэн 35 мөлүйүөн киһи биэнсийэтэ үрдүөҕэ.
-
5
-
0
-
1
-
0
-
0
-
0
