Издательский дом Редакция Подписка
Погода в Якутске: . -14 oC

Добрянцевтар удьуор уустарын чаҕылхай бэрэстэбиитэлэ бу олохтон барда... Дьаамсыктар төрүт хаан сыдьааннара...

 

Добрянцевтар удьуор уустарын чаҕылхай бэрэстэбиитэлэ бу олохтон барда... Дьаамсыктар төрүт хаан сыдьааннара...

 

Мин кинилиин бырабыыталыстыба отчуотугар хаста да бииргэ сылдьыбытым. Хотугу дьүкээбил уотун анныгар Анатолий Анатольевич нууччалыы норуодунай ырыаларын истэр астык да буолара.

Хаҥалас улууһугар туризмы сайыннарар соруктаах Лондоҥҥа туристическай быыстапкаҕа бара сылдьыбыппыт. Киэһэтин Лондон устун дьаарбайарбыт, аатырбыт Пикадилли уулуссатынан хаамсарбыт, кэрэ-бэлиэ сирдэрин көрөрбүт.

Төннөн кэлэн баран ыйытабын: “Хайа, Лондон хайдах эбитий?” -- диэн. Онуоха кини сахалыы хоруйдаабыта: “Ээ, уулуссалара кыараҕаһа бэрт!” – ити этиигэ Анатолий Добрянцев ис дьиҥэ барыта ырылхайдык көстөр. Покровскайын уонна Өлүөнэ өрүһүн киэҥ дуолун туохха да биэрбэтэ, онтон ордук киниэхэ туох да суоҕа. Дууһата эмиэ оннук киэҥэ уонна аһаҕаһа.

Ол кэнниттэн Еланкаҕа дьаамсыктар ыстаансыйа-мусуойдарын туттарбыппыт. Дьаамнар малларын-салларын көрдөрүүгэ уурбуппут. "Играй гармонь! Живи, частушка!" фестивалы тэрийэн ыыппыппыт. Хомойуох иһин, бу бырайыак сатаан салгыы сайдыбатаҕа. Ол оннугар Еланкаҕа туризм сайынна.

Биирдэ миигин дьаамсыктар атынан күрэхтэһиилэригэр ыҥырбыта. Олох хааннарыгар баар буолан, бэркэ сүүрдүбүттэрэ.

2 материал 1

Онно Анатолий Анатольевич хараҕа уоттаммытын көрүө этигит! "Ыраахтааҕылаах дьаамсыктар суолларынан" маршруту толкуйдаан, бэйэтэ бөлөҕү кытта тэҥҥэ барсан,  Иркутскайтан Саха Сиригэр диэри почта суолунан айаннаан турардаах.

2 материал 2

Дьаамнарга аналлаах сквери оҥорбута да, ону биһиги тэрилтэбитигэр -- пааматынньыктары харыстыыр уопсастыба көрүүтүгэр биэрбиттэрэ. Кини туолбатах баҕа санаатын толорон, ол сквери ситэрэн, тиһэҕэр тиэрдиэхпит. Дьаамнар ааттара, историялара умнуллуо суохтаах. Уонна ол сквергэ Анатолий Добрянцев аатын иҥэрэри туруорсуохпут.

Руслан Васильев,

История уонна култуура пааматынньыктарын харыстыыр уопсастыба бэрэссэдээтэлэ.

("Вконтакте" социальнай ситимҥэ суруйбутуттан)

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением