Бу күннэргэ Амур уобалаһыттан Саха Сиригэр киирии кыраныыссатыгар, «Саха Сирэ — Якутия» саҥа стела туруорулунна. Бырайыак көҕүлээччилэрэ - Саха Сирин олохтоохторо уонна эдэр урбаанньыттара. Кинилэр ааттара стелаҕа суруллуннуллар. Бырайыак дизайнын ааптара - «Ректайм» ХЭО. Көҕүлүүр бөлөх салайааччыта Дьокуускай куорат Думатын дьокутаата Руслан Михайлов.
Бу иннинэ, балаҕан ыйыгар, норуот дьокутаата Виктор Федоров телеграм ханаалга суруйан турардаах:
-"Лена" федеральнай трассанан төрөөбүт өрөспүүбүлүкэбэр кэллим. Суолга турар Саха Сиригэр киирии бэлиэтэ (кыраныысса бэлиэтэ) ыйытыылары үөскэтэр. Арассыыйа араас алта эрэгийиэнин аастым даҕаны, маннык, сымнаҕастык эттэххэ, "дьикти" көстүүлээх киирии бэлиэлэрэ суох. Стендэ бүтүннүүтэ кумааҕыларынан сыһыарыллыбыт. Киһи барыта кэриэтэ эмиэ, итинник, кумааҕы сыһыаран ааһаллар. Бу Саха Сиригэр киирии бэлиэтэ буолбатах, «кыбыстыы дуоската»!
Тэҥнээн көрүүгэ Виктор Федоров Бурятия, Забайкалье кыраайын уонна Уһук Илин атын эрэгэийиэннэрин суол бэлиэлэрин хаартыскаларын көрдөрбүтэ.
-
5
-
0
-
0
-
0
-
0
-
0
