Бу туһунан сэтинньи 4 күнүгэр Дьокуускайга буолбут үөрүүлээх миитиҥҥэ этилиннэ. Үөрүүлээх миитиҥҥэ норуот дьокутааттара уонна Ил Түмэн аппараатын үлэһиттэрэ кытыннылар. Миитиҥҥэ кыттааччылары СӨ Ил Дархана Айсен Николаев, Ил Түмэн вице-спикерэ Антонина Григорьева уонна «Боотур» этэрээт хамандыыра Александр Колесов эҕэрдэлээтилэр.
- Соторутааҕыта баҕа өттүнэн хомуллан барбыт «Боотур» этэрээтэ эргиллэн кэлбитэ. Биһиги Донецкай уобалас Кировскай куоратын чөлүгэр түһэрэбит. Онон, биһиги тыылга көмөлөһөбүт, байыаннай сулууспалааччыларга көмө хомуйабыт, кинилэр дьиэ кэргэттэрин кыһалҕаларын быһаарарга араас тэрээһиннэри ыытабыт. Омугуттан, социальнай балаһыанньатыттан, итэҕэлиттэн тутулуга суох биһиги бары - Улуу Арассыыйа гражданнара буолабыт. Инникигэ эрэли, дойдуга итэҕэли баҕарабын! Кыайыы биһиэнэ буолуоҕа!» – диэтэ Саха Сирин аҕа баһылыга Айсен Николаев.
Саха Сирин парламенын аатыттан Ил Түмэн вице-спикерэ Антонина Григорьева Норуот сомоҕолоһуутун күнүнэн эҕэрдэлээтэ. Кини бырааһынньык историятын санатта, үйэлээх доҕордоһуу, сомоҕолоһуу, бүтүн дойду араас көлүөнэлэрин сыалын-соругун ситиһиитэ түмсүүгэ сытарын бэлиэтээтэ.
-Норуот сомоҕолоһуутун бырааһынньыга биир сомоҕо норуот буоларбытын, былыр-былыргыттан инникигэ улуу дьулуурбутун көрдөрөр. Бары бииргэ ханнык баҕарар уустук, улахан соруктары уонна сыалы-соругу ситиһэр кыахтаахпыт. Бырааһынньыгынан итиитик-истиҥник эҕэрдэлиибин! Парламент аатыттан доруобуйаны, эйэни, инникигэ эрэли уонна этэҥҥэ буолууну баҕарабын! - диэн Антонина Афанасьевна эҕэрдэлээтэ.
Баҕа өттүнэн хомуллубут «Боотур» этэрээт хамандыыра Александр Колесов эҕэрдэ тылыгар билиҥҥи уустук кэмҥэ уһулуччулаах түгэннэри ахтан-санаан, тохтоон ааһарга этии киллэрдэ.
-Түмсүү аҕа дойдуга тирэх буоларын өйдүүбүт. Улуу Кыайыы сүтэриитин уонна уһулуччулаах түгэннэрин билигин үйэтитэбит. Анал байыаннай эпэрээссийэ саҕаланыаҕыттан атын олоххо олоробут. Хас эмэ ый Донбасс байыаннай дьайыыларыгар кыттан баран, билигин олоҕу таптыырым уонна сыаналыырым ордук күүһүрдэ. Мин сэриитэ, куттала суох эйэлээх халлаан хайдах буолуохтааҕын, дьэ, өйдөөтүм. Билигин биһиэхэ дьоруойдар баар буоллулар - кинилэр бэйэлэрин дьоннорун, оҕолорун, ийэлэрин, төрөөбүт дойдуларын кэскилин туһугар олохторун биэриэхтэрэ. Бүгүн - Улуу күн. Бүгүн биһиги уопсастыбабыт уларыйда, түмсүстэ. Доҕоттор! Бары бииргэ «нацизм» уонна «геноцид» суох диэххэ. Бары түмсүүлээх буоллахпытына, биһигини ким да кыайыа суоҕа! Кыайыы биһиэнэ буолуоҕа! Бырааһынньыгынан!, - диэн мустубут дьону Александр Колесов эҕэрдэлээтэ.
-
1
-
0
-
0
-
0
-
0
-
0
