Издательский дом Редакция Подписка
Погода в Якутске: . -11 oC

Владимир Путин сэтинньи 15 күнүнээҕи ыйааҕынан Дьокуускайга «Килбиэннээх үлэ куората» үрдүк ааты иҥэрдэ.

Владимир Путин сэтинньи 15 күнүнээҕи ыйааҕынан Дьокуускайга «Килбиэннээх үлэ куората» үрдүк ааты иҥэрдэ.

Бу туһунан Ил Дархан Айсен Николаев телеграмм-ханаалыгар иһитиннэрдэ. «Саха сиригэр икки куорат — Дьокуускай уонна Алдан — ити үрдүк ааты сүгэринэн киэн туттабыт», — диэтэ кини.

Санатан эттэххэ, Алдаҥҥа былырыын балаҕан ыйыгар РФ Бэрэсидьиэнин Ыйааҕынан бу үрдүк аат иҥэриллибитэ.

Видеосибээс нөҥүө Ново-Огаревоҕа Владимир Путин ыыппыт «Победа» тэрийэр кэмитиэт мунньаҕар үрдүк ааты иҥэрэр туһунан кэпсэттилэр. Арассыыйа наукаларын академията иһитиннэрбитинэн, быйыл 11 сайаапка киирбит. РНА бэрэсидьиэнэ Геннадий Красников: «Тэрилтэлэрэ Кыһыл Знамя уордьанынан наҕараадаламмыт Дьокуускай ураты миэстэни ылар. Дьокуускай оборуона бырамыысалыннаһын баазата буолбута. Сэрии кэмигэр манна 40 туонна кыһыл көмүс, дойду сүлүүдэтин аҥаарыттан ордуга хостоммута. Бу кыһыллыҥы өҥнөөх сүлүүдэ  электроприбордар изоляциятыгар туһаммыттара», —  диэтэ.

Дьокуускайы сэргэ үрдүк ааты Астрахаҥҥа, Вологдаҕа, Горловкаҕа, Златоустка, Каспийскайга, Луганскайга, Норильскайга, Орскайга иҥэрдилэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением