Санатан эттэххэ, “Вкус Якутии” бэстибээл быйыл тохсус төгүлүн ыытыллар. Бэстибээл чэрчитинэн Атласовтар уһаайбаларыгар үлэҕэ киирбит киин кырдьык сахалыы оҥоһуулаах, тастан көрдөххө, биһиги тымныыбыт бэлиэтин хаһаайына - Тымныы оҕус моһуоннаах.
Иһигэр намыһах температура тутуллар, миэстэтигэр тоҥ аһы - балыгы, эти астыыллар. Маныаха анаан муус оҥоһуктар, остуоллар бэлэмнэммиттэр. Онон уораҕай истиин-тастыын саха култууратын, үгэһин уонна амтаннаах аһын билиһиннэрэр.
Тэрээһин арыллыытын кыһыл лиэнтэни кырыйыыттан саҕалаатылар. Саха култууратын уонна төрүт аһын билиһиннэрэр тымныы киинин арыллыытын кэлбит ыалдьыттар үрдүктүк сыаналаатылар.
Хаартыскалар: Саха Сирин ыалдьытымсах буолуу Ассоциацияттан
- 0
- 0
- 0
- 0
- 0
- 0