Санатан эттэххэ, маннык күннэр нэһилиэнньэ доруобуйатын туругун бэрэбиэркэлэтэригэр, доруобай буоларыгар ананаллар. Бу дьаһаллар дьахтар түөһүн искэнин утары аан дойдутааҕы охсуһуу ыйын чэрчитинэн тэриллэллэр. Уодаһыннаах ыарыыны кытары охсуһарга лиэксийэни сэбиэдиссэй, мэдиссиинэ наукаларын хандьыдаата, үрдүк категориялаах онколог-маммолог быраас, үрдүк категориялаах хирург, пластическай хирург, СӨ үтүөлээх бырааһа, СӨ доруобуйатын харыстабылын туйгуна Любовь Коростолева уонна хирург-онколог Евдокия Павлова кэпсээтилэр.
Лиэксийэҕэ бу ыарыыттан сэрэтиини, ыарыыны быһаарыы аныгы ньымалары иһитиннэрдилэр. Ону сэргэ, түөс туругун киһи бэйэтэ хайдах бэрэбиэркэлиэн сөбүн туһунан кэпсээтилэр.
Реабилитационнай кииҥҥэ араас улуустартан оҕолорун көрдөрө сылдьар 20 ийэ маммолог быраастарга көрдөрүннүлэр, үрүҥ халааттаах аанньалларга махтаннылар.
Манна даҕатан эттэххэ, өрөспүүбүлүкэҕэ Маммология киинэ аһыллан үлэлиэҕиттэн дьахталларга түөс искэнинэн ыалдьааччылар ахсааннарын аҕыйатар сорук турар. Оччотугар бу ыарыыттан өлүү ахсаана кыччыахтаах, эмтэнээччилэр олохторо уһуохтаах, олохторун хаачыстыбата тупсуохтаах, эмтэниигэ (хирургия, сардаҥа терапията, химиотерапия) ороскуот аҕыйыахтаах, инбэлииккэ таһаарыы аччатыллыахтаах.
- 3
- 0
- 0
- 0
- 0
- 0