Сахастат дааннайынан, Саха Сиригэр ааспыт сыл түмүгүнэн киһи олоҕун уһуна 72,7 сааска тэҥнэһэрэ. Ил Дархан Айсен Николаев бэлиэтииринэн, үрдүк көрдөрүү киһи доруобуйатын бөҕөргөтүүгэ, чөл, чэгиэн олоҕу тарҕатыыга, мэдиссиинэҕэ саҥа технологиялары туһаныыга уонна доруобуйа харыстабылын эбийиэктэрин тутууга сыаллаах үлэлиир бырагыраамаларынан ситиһилиннэ.
Олортон биирдэстэрэ «55+» бырагырааманан 2022 сылга 20 тыһ. тахса киһи хабыллыбыта биллэр. Ону сэргэ Саха Сиригэр дойду баһылыга бигэргэппит «Демография» национальнай бырайыак чэрчитинэн оҕо төрөөһүнүн үрдээһинэ бэлиэтэнэр.
Статистика көрдөрөрүнэн, 2023 с. тохсунньу ыйыттан балаҕан ыйыгар диэри 8360 оҕо төрөөбүт, онуоха киһи өлүүтүн уопсай көрдөрүүтэ былырыыҥҥыга тэҥнээтэххэ 8,3%-нан намтаабыт. Оттон нэһилиэнньэ эбиллиитэ 9,4% улааппыт.
-
0
-
0
-
0
-
0
-
0
-
0
