Бу туһунан бүгүн сарсыарда СӨ Киин быыбардыыр хамыыһыйатын бэрэссэдээтэлэ Евгений Федоров иһитиннэрдэ диэн “Саха Сирэ” суруйар.
Арассыыйа Бэрэсидьиэнин быыбарыгар Саха Сиригэр уопсайа 452 366 киһи кыттыыны ылла, ол быыбарааччы уопсай ахсааныттан 71,57 % буолар. Оттон хандьыдааттары барыларын ылан көрдөххө, куоластааһын маннык буолла: Владимир Путиҥҥа 397 051 быыбардааччы (87,79%), Владислав Даванковка – 21 306 (4,73%), Николай Харитоновка – 7968 (4,32%), Леонид Слуцкайга – 7 968 (1,76%) куоластаата.
Инньэ гынан Владимир Путин саамай элбэх куолаһы ылан дойдубут, судаарыстыбабыт лиидэрэ буоларын өссө төгүл көрдөрдө.
«Владимир Путин бары оройуоннарга 80%-н тахса куолаһы ылла, ол иһигэр 21 оройуоҥҥа киниэхэ 90% куоластаатылар. Биэс бастыҥынан Анаабыр национальнай долган-эбэҥки улууһа, Амма, Дьааҥы, Нерюнгри уонна Бүлүү улуустара буоллулар. Оттон Дьокуускай куоракка Владимир Путиҥҥа 82,23% куоластаатылар. Саха сирин 36 быыбардыыр учаастагар биһиги быыбардааччылар 100 % куоластаабыттарын бэлиэтээтибит», – диэн Евгений Федоров эттэ.
Быыбар Саха Сиригэр даҕаны, Уһук Илин даҕаны үрдүк тэрээһиннээхтик ааспыта бэлиэтэннэ. СӨ Киин быыбардыыр хамыыһыйатын бэрэссэдээтэлэ Евгений Федоров иһитиннэрбитинэн, Саха Сиригэр биир да быыбардыыр учаастакка сокуону кэһии бэлиэтэммитэ.
-
1
-
0
-
0
-
0
-
0
-
0
