Елена Голомарева, Ил Түмэн төрүт олохтоох, аҕыйах ахсааннаах хотугу омуктар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ:
-- Арассыыйа күнүнэн, күндү доҕоттор! Арассыыйа күүһэ уонна кыаҕа – манна олорор норуоттарыгар, көлүөнэттэн көлүөнэҕэ бэриллэр үйэлээх үгэстэригэр, духуобунай сыаннастарыгар. Ол курдук, Арассыыйа Федерациятын 89 субъектарыгар олорор норуоттар бу бырааһынньыгы эппиэтинэстээхтик, инникигэ эрэллээхтик көрсөбүт. Билигин аан дойдуга буола турар судургута суох кэмҥэ хас биирдиибититтэн дойдубут туруга, кыаҕа тутулуктанар. Сахабыт Сирин олохтоохторо Кыайыы туһугар бэйэлэрин кылааттарын күннэтэ киллэрэллэриттэн бары киэн туттабыт. Саха Өрөспүүбүлүкэтэ Арассыыйа судаарыстыбатын биир бигэ экэнэмиичэскэй тыыла, тирэҕэ буолар, демография, бырамыысыланнас көрдөрүүлэринэн инники күөҥҥэ сылдьабыт.
Аартыка 13 улууһун олохтоохторун тыйыс усулуобуйаны аахсыбат таһаарыылаах үлэлэринэн-хамнастарынан, ситиһиилэринэн киэн туттабыт. Билигин буола турар глобальнай ыҥырыыларга, Аартыка дойду сайдыытын биир сүдү тирэҕэ, киинэ буолар. Манна инновация араас көрүҥэ сайдан, экология өттүнэн ыраас туризм олохтонор, норуоттар икки ардыларынааҕы сыһыан атын таһымҥа тахсар.
Күндү доҕоттор! Хас биирдии дьиэ кэргэҥҥэ ил-эйэ, этэҥҥэ буолуу, аныгыскы күҥҥэ эрэл-итэҕэл баар буолуохтун. Биһиги улуу устуоруйаны салгыыбыт. Бары биир сомоҕо буоламмыт дойдубутун кыахтаах-күүстээх, кимтэн да тутулуга суох уонна биир ньыгыл оҥоробут.
-
0
-
0
-
0
-
0
-
0
-
0
