Бырабыыталыстыба бэрэссэдээтэлин солбуйааччы Татьяна Голикова тэрээһин кэмигэр бэлиэтээбитинэн, дойду үрдүнэн тыйаатырдар бырагыраама сайдыытыгар төһүү күүстэрин киллэрэллэр. "Пушкин каартатын" туһанан 14 саастарыттан 22 саастыгар диэри эдэр дьон тыйаатырдарга араас туруоруулары көрөр кыахтаах.
“Пушкин каартата” бырагыраама 2021 сыл балаҕан ыйыттан үлэлиир. Ол кэмтэн 2025 сыл балаҕан ыйын бастакы аҥарыгар диэри 93 мөлүйүөнтэн тахса билиэт атыыламмыт. Биһиги эрэгийиэммитигэр опера уонна балет судаарыстыбаннай тыйаатыра бастыҥ түмүктэри көрдөрөр. Ааспыт сыл түмүгүнэн “Подвиг” балет билиэттэрин атыыта инники кирбиигэ киирбит. Маны сэргэ, ыччат ордук «Лебединое озеро», «Ромео и Джульетта», «Щелкунчик» балеты уонна «Евгений Онегин», «Ньургун Боотур», «Зори здесь тихие» опералары сэргиирэ бэлиэтэнэр.
-
0
-
0
-
0
-
0
-
0
-
0
