“Биһиэхэ бу сылга киирэн баран кэтэх, бааһынай уонна тэрээһиннээх хаһаайыстыбаларбытыгар уопсайа 118 ньирэй төрөөтө. Ааспыт сыл тохсунньу 27 күнүн туругунан бу кэмҥэ 15 эрэ ынах төрөөбүтэ. Маннык эрдэ төрөөһүн үчүгэй диэххэ сөп. Тоҕо диэтэр сайын бу ынахтар үүттэрэ лаппа үрдүө, онон үүт ыама улаатыа диэн сабаҕалыыбын. Нэһилиэктэринэн ылан көрөр буоллахха, бастакы ньирэй, тохсунньу 2 күнүгэр «Бөтүҥ» хаһаайыстыбаҕа төрөөбүтэ. Ол иннинэ, саҥа сыл үүнэрэ чугаһаабытын кэннэ, ахсынньы ый 25 күнүгэр Сатаҕай нэһилиэгэр кырачаан ньирэй күн сирин көрбүтэ. Билигин саамай элбэх ынах Болугур нэһилиэгэр төрөөн турар. Ол курдук манна 36 ынах төрөөтө. Сүрүннээн төрөөһүн кэтэх сүөһүлээхтэргэ баар. Хаһаайыстыбаларга сүрүннээн олунньу ый ортотуттан, кулун тутарга маассабай төрүөх саҕаланыа. Кыстык туһунан этэр буоллахха, сүөһүлэр туруктара этэҥҥэ. Ас -үөл баар. Ол курдук 30000 туонна оттоох киирбит эбит буоллахпытына, 15000 туонна от баар. Эбии аһылык эмиэ баар. Онон барыта былаан быһыытынан кыстык баран иһэр. Кулун тутар ыйга хаһаайыстыбаларынан үгэс быһыытынан барыахпыт. Ол кэмҥэ өссө хаһаайыстыбаларга көмө быһыытынан субуотунньук тэрийээччибит”, — диэн этэр кылаабынай зоотехник Айтал Фомин.
“Амма олоҕо” хаһыат
-
0
-
0
-
0
-
0
-
0
-
0
