Олунньу ый 3 күнүгэр 11 чаастан «Хомус» Дмитрий Кривошапкин аатынан кииҥҥэ СӨ государственнай мунньаҕын (Ил Түмэн) председателэ Алексей Ильич Еремеев,тыа сирин аграрнай политикатын сис комитетын председателэ Александр Павлович Атласов, улуус депутаттарын сэбиэтин председателэ Алексей Иванович Винокуров нэһилиэнньэни кытта көрсүһүүлэрэ буолла.
Буоларын курдук, Алексей Еремеев, Александр Атласов боростуойдук дьоҥҥо тиийимтиэ гына кэпсээтилэр, өрөспүүбүлүкэбитигэр туох буола турарын, туох ыарахаттар баалларын кэпсээтилэр.
Ол кэнниттэн боппуруостар киирдилэр. Степан Терешкин племенной сүөһүлэргэ возмещение баар буолуо дуо, сүөһүлэрбитин уларытыахпытын баҕарабыт, 1 га бэрээдэктэниэ дуо, мэччирэҥнэрбит да бааһыналара суох хаалаары гынныбыт диэн ыйытта.
Петр Новгородов сир суоҕун, кымыс оҥорорго субсидия көрүллүө дуо, Галина Соловьева 2026 с үүккэ субсидия улаатыа дуо, учууталлар хамнастара атыннык ааҕыллара буоллар, уларытыы киирэрэ буоллар диэн ыйыттылар, баҕа санааларын эттилэр.
Анастасия Свинобоева хаарбах дьиэттэн көһүү харчытын туоһуласта. Гериатрия сабыллыбыта хомолтолоох, быйыл бюджет кырыымчык буолла диэн Аҕа баһылык эттэ.
Алексей Еремеев нэһилиэкпит дьонугар махтанна, доруобуйаны уонна эйэлээх халлааны баҕарда.
Алексей Зыряновтан сыл ахсын тустаах боппуруостарга лоп бааччы эппиэт ылабыт, ыарахан үлэҕитигэр ситиһиини баҕарабыт.
Ааптар: Полина Скрябина
-
0
-
0
-
0
-
0
-
0
-
0
