Общество

 Томпоттон, Уус-Алдантан, Мэҥэ-Хаҥаластан, Хаҥаластан, Намтан  уонна Дьокуускай куораттан 15-тэн тахса айар кэлэктиип кыттыыны ылла. Хас биирдии кыттааччы ис сүрэхтэн  хомуйбут үбэ  кырачаан оҕо чөл доруобуйатыгар ананар! Биһиги оҕолорбут – биһиги кэскилбит, кинилэр дьоллоох олоҕу олороллоругар хас биирдиибит көмөтө суолтата улахан!

Тэрээһин  киэҥ хайысханы хапта: төрүт национальнай таҥастан, ураты истииллээх киэргэллэртэн саҕалаан, аныгы хотугу этностильгэ уонна  авторскай дизайнерскай үлэлэргэ тиийэ.

Хотугу норуоттар култуураларыгар анаммыт «Хотугу этностиль» блокка  «Сардаана» национальнай үҥкүү оскуолата (хореограф -  Николаева С.Х., туруорааччы – Старостин В.Ф.)  толорбут «Имаана» үҥкүүтэ  хотугу тыынынан илгийэр кэрэ көстүүнү бэлэхтээтэ.

Сыанаҕа өрөспүүбүлүкэ бастыҥ айар кэлэктииптэрэ таҕыстылар: «СИТИМ» (сал. Дьулустан Кычкин), «Кындыкан» академията (сал. Ирина Данилова), Хотугу үҥкүү ансаамбыла «Аяврина» (сал. Саргылана Алексеева), «Сардаана» национальнай үҥкүү оскуолата (сал. Наталия Яковлева), «Юлтэна» бөлөх (сал. Наталия Яковлева), Аҕыйых ахсааннаах хотугу норуот тыйаатыра (сал. Климентий Черемкин), «Премьера» оҕо үҥкүү оскуолата (сал. Алёна Запорожец), «Одун» норуот ансаамбыла (сал. Туйаара Колодезникова), «Саха сирин бриллианнара» оҕо тыйаатыра (сал. Зоя Соловьева), «Сюрприз» норуот үҥкүүтүн ансаамбыла (сал. Ирина Егорова), «Үҥкүлээ – 2025» бырайыак кыайыылааҕа Ксения Потапова.

Музыкальнай программаны «Эрэл» норуот ансаамбыла арыйда.   «Айыы кыһата» национальнай гимназияттан «Кыл бөлөх» норуот ансаамбыла, биллэр ырыаһыттар Евгения Шамаева, Артур Портнягин, Александра Старостина, ону тэҥэ С.А. Зверев – Кыыл Уола аатынан Үҥкүү театрын артыыһа Василена Шарина тэрээһини киэргэттилэр.

 Айтал Алексеев (Уран) алыптаах дорҕоонун музыката фантазия айар эйгэтигэр киллэрдэ. Василий Старостин, Светлана Николаева уонна «Сардаана» национальнай үҥкүү оскуолатын толоруулара улахан сэҥээриини ыллылар.
 Модельер Евсей Иванов «Вдохновение» диэн коллекциятын биллэр блогердар көрдөрдүлэр: Евгения Шамаева (Колымчаана), Артур Портнягин, Андрей Семенов (Күн уола Өндөр Өй), Наталия Слецова (Корякина) уонна Ланда Аммосова. Манна сахалыы истиил аныгы үйэҕэ дьүөрэлии тутуллан, сайдарын, тупсарын көрөн өссө төгүл сэҥээрдибит, сэргээтибит.  Бу - ураты айымньы!

«Хотой» төрүт бренд  таҥаһын коллекциятын (директора Чэлгиийэ Сүбэ)  блогердар: Сардаана Лыткина, Ирина Ефремова, Дарина Ноговицына, Светлана Тен, Сахайаана Туймаада Куо, Ангелина Уганщина, Василиса Яковлева сэттэ авторскай таҥаһы көрдөрдүлэр.
Дизайнер Сүбэ Чэлгийэ саха култууратын ураты сокуоннарын  чинчийэн, айымньыларыгар иҥэрэр. Хас биирдии сурааһын, ойуу, барамай омооно - үгэстэри дириҥник үөрэтии түмүгэ.

Бу дьоро  киэһэ ураты эйгэтин Туйаара Стручкова дизайнаан оҥорбута. Туйаара сыыппараҕа ойуулаан дьүһүйүүлэрэ сыана ускуустубатын  кытта дьүөрэлии тутуллан, дьикти кэрэ эйгэҕэ киллэрдэ.

 Ыытааччылар, НВК «Саха» бэрэстэбиитэллэрэ, Дьулус Иванов уонна Ньургуйаана Ботуева буоллулар.

СӨ Ил Түмэнин Судаарыстыбаннай Мунньаҕын бэрэссэдээтэлин солбуйааччы А.Г. Подголов тэрийээччилэргэ махтал суруктарын туттарда.  Бырайыак улахан социальнай суолталааҕын бэлиэтээтэ.

Мэҥэ Алдан нэһилиэгин баһылыга Юрий Коммисаров, баһылык солбуйааччыта Олимпиада Колодезникова уонна норуодунай суруйааччы Егор Неймохов кэргэнэ Мария Петровна Неймохова  Туйаара Стручковаҕа «Саха норуодунай суруйааччыта Егор Неймохов 75 сыла» диэн анал бэлиэни туттардылар.

Бырайыак кыттыылаахтара:

 - Бастакы блок - Төрүт таҥас:

1. Боппосова Сахаяна (тигии) 1-3 саастаах кырачаан оҕолор.
2. «Намчы Куо» студия, салайааччы Негнюрова Александра.
3. Хоноехова Айталина Михайловна.
4. Малышева Наталья Николаевна, СР (Я) Национальнай архыыбын директора солбуйааччыта.
5. Шарина Марфа Николаевна, Василена Шарина-Улан ийэтэ уонна быраата Шарин Николай Иванович.

Иккис блокка аныгылыы таҥастары көрдөрдө модельер Евсей Иванов блогердары кытта.

Үһүс блокка -Истииллээх киэргэллэр:

1. «Сиэл сипсиэрэ», сал. Хоноехова Айталина Михайловна, Томпо оройуона, Мэҥэ-Алдан нэһилиэгэ.
2. Уус-Алдан улууһуттан Сталина Данилова маастар оҥорбут эбээннии истииллээх киэргэллэрэ «Хотугу өҥнөр», Хаҥалас улууһун Надежда Алексеева салайар «Надежда» дефиле студията көрдөрдө.
3. «Хайат» театр студия, салайааччы Афанасьева Маргарита Николаевна.
4. Владимирова Анжелика Владимировна – «Күн сардаҥата»мастан уонна цитрин диэн ытык таастан оҥоһуллубут истииллээх киэргэлэ.
5. Анжелла Токарева, оҕуруоннан киэргэл дизайнер уонна Tayamodels моделлара.
   Төрдүс блок -фантазия истиилэ:
6. МБОУ «Нам 2 №-дээх оскуолата» «Кэрэли» театр модата, салайааччы Обутова Илона Георгиевна.
   «Сыл кэмнэрэ» коллекция.
   •«Алмаас Саха сирэ» коллекция.
7. 3-с кылаас «Тумулчаан» кэлэктиибэ, эко-коллекция «Кырта-Чаҕаан» (быһаарыыта «Белоснежный») салайааччы Аввакумова Людмила Михайловна.
8. «Айылгы» үҥкүү ансаамбыла, салайааччы Ильина Любовь Васильевна, «Аал Лук Мас» коллекция.
9. Дьулустан Кычкин – Хомпоруун Хотой, дизайн Туйаара Стручкова.
10. Хотой бренд, дириэктэр Чэлгиийэ Сүбэ уонна блогердар.

Дьоро киэһэни ыытарга көмөлөспүт бары дьоҥҥо махтанабыт:
• Сүрүн спонсорбыт: «РИМ» рекламнай хампаанньа, директор Копырин Павел Иванович.
• Партнердарбыт: «Айыы кыһата» национальнай гимназиятын «Кыл бөлөх» ансаамбыла (салайааччы Уруйдаана Харитонова), «Кэрэ» маҕаһыын (директор Колесова Александра Саввична), «НРГ» полиграфия, «Сюрприз ЯКТ», @360selfie_ykt видеоспиннер, фотографтар – Дмитрий Ляшеев, Максим Константинов, Андрей Яковлев, Аина Данилова, рилсмейкер Лилия Шишигина.
• Волонтердарбыт: Алиса Мартынова, Виктория Васильева, Любовь Ленина.
• Дьаарбаҥка кыттааччылара – 12 киһи.
• Визажистарбыт: Нина Дьяконова уонна Анна Васильева.

Дьоро киэһэни тэрийдилэр:

1. «Кладезь Якутии» благотворительнай пуонда, президент Зоя Васильевна Павлова.
2. «Арассыыйа — Мин устуоруйам» устуоруйа түмэлэ, директор Дмитрий Иванович Соловьев.
3. «Сардаана» национальнай үҥкүү оскуолатын салайааччыта Наталия Яковлева.
4. Сыыппара ойууһутаТуйаара Стручкова.

  «Творение-Айыы» тэрээһин уруһуйунан дьүһүйүү, мода уонна култуура нэһилиэстибэтэ, үтүө сыал туһугар, дьону түмүү, кэрэ, инникигэ эрэл уонна бэйэ-бэйэҕэ көмөлөһүү эйгэтин тэрийии чаҕылхай холобурунан буолла.  Кэлэн, сүрэххитин аһан кыттыспыккыт — бу Айыы үтүө суола!  Оҕолорбут инники кэскиллэрин туһугар биир санаанан түмүстүбүт!

Тэрийэр бөлөх.