Арассыыйа доруобуйа харыстабылын министиэристибэтэ мэдиссиинэ идэлэригэр киэҥ хабааннаах уларытыылары киллэрэргэ бэлэмнэнэр.
Ол курдук, быйыл балаҕан ыйын 1 күнүттэн саҥа идэлэр уонна дуоһунастар киириэхтэрэ.
Биэдэмэстибэ инники күөҥҥэ сылдьар салаалары бигэргэтэн, мэдиссиинэ биологията, логопедия, психология, физика уонна эмбриология диэн салаалары киллэриэ. Маны сэргэ, ыстаакка уһун үйэлэнии мэдиссиинэтин бырааһа уонна нутрициолог дуоһунастара киириэхтэрэ. Нейропсихология, эмтиир массаас, эт-хаан уонна эрго чэбдигирии, химия эспэртиисэтэ баар буолуо.
Саҥа кэмпэтиэнсийэлэри киллэриини сэргэ “ыраастааһын” барыа. Реестртан диабетолог быраас, офтальмолог-протезист, куорат (оройуон) педиатр бырааһа, подростоктар терапевт уонна психиатр быраастара, сексолог, сурдолог-протезист, зоолог, энтомолог, нарколог биэлсэр о.д.а. Кинилэр оҥорор үлэлэрин атын киэҥ хабааннаах идэлэргэ сыһыарыахтара.
Докумуоҥҥа быһааралларынан, бу болдьоххо диэри үлэҕэ ылыллыбыт испэсэлиистэр үлэлэрин миэстэлэрин оннунан хаалларыахтара.
Хаартыска: Рамиль Ситдиков, РИА новости.
-
0
-
0
-
0
-
0
-
0
-
0
