Сайын үс сезоҥҥа 18-тыы күн устата үлэлиирэ былааннанар. Онуоха оҕолорго анаан араас туһалаах тэрээһиннэр, профориентационнай экскурциялар, консультациялар, экологическай акциялар тэриллиэхтэрэ, маны сэргэ оҕолор өрөспүүбүлүкэтээҕи «Таежный герой» байыаннай – спортивнай оонньууга бэлэмнэнэн, иллэҥ кэмнэрин туһалаахтык атаарыахтара.
Лааҕыр үөрүүлээх аһыллыытыгар улуус баһылыгын социальнай боппуруостарга солбуйааччы Мария Кронникова, ПДН үрдүкү иниспиэктэрэ Кэскил Сивцева, Чурапчы улууһугар оҕо быраабыгар эппиэтинэстээх боломуочунай Екатерина Хоютанова, култуура управлениетын начаалынньыгын солбуйааччы Сусанна Дьячковская эҕэрдэ тылларын эттилэр, оҕолорго туһалаах сынньалаҥы баҕардылар, улууска эдэр ыччаты кытта үлэҕэ исписэлиис Алгыстаана Федорова лааҕыр үлэтин, бырагырааматын билиһиннэрдэ.
Мария Кронникова: «Киһи олоҕун устата суолун бэйэтэ талар, ол онтон инникитэ тутулуктаах. Бүгүн олус үчүгэй бырагыраамалаах лааҕыр үлэтин саҕалаата. Оҕолор бу лааҕырга сылдьан элбэҕи билиэххит, көрүөххүт. Өрөспүүбүлүкэтээҕи «Таежный герой» байыаннай – спортивнай оонньууга эппиэтинэстээхтик бэлэмнэнэн, ситиһиилээхтик кыттан кэлэргитигэр баҕарабын. Сайыҥҥытын туһалаахтык атааран, үчүгэйдик сынньанан, эт-хаан өттүнэн сайдан, бу лааҕыр эһиэхэ умнуллубат үтүө түгэннэри бэлэхтээтин», — диэн эҕэрдэ тылыгар эттэ.
Сонун төрдө уонна хаартыска: "Саҥа олох", Людмила Горохова.
-
0
-
0
-
0
-
0
-
0
-
0
