Эдгар Валентинович Константинов, Ил Түмэн дьокутаата, “Константинов Э.В.” КФХ салайааччыта:
--Эһигини Арассыыйа сүрүн бэлиитиичэскэй тэрээһинигэр -- Судаарыстыбаннай Дуума дьокутааттарын талар быыбарга көхтөөхтүк кыттаргытыгар ыҥырабын! Биһиги куоласпыт федеральнай таһымҥа ураты суолталаах. Саха Сирэ бүгүн Арассыыйа стратегическай эрэгийиэнинэн, кини экэнэмиичэскэй кыаҕын тирэҕинэн буолар.
Биһиги хотугу үлэни сыаналыыр, тыа сирин кыһалҕаларын өйдүүр, биһиги интэриэспитин федеральнай бүддьүөт харчытын тыырыыга туруулаһар кыахтаах дьону талабыт. Ол иһигэр тырааныспар боппуруостарын, төрөөбүт тылбытын харыстааһыны, доруобуйа харыстабылын сайыннарыыны быһаарар кыахтаах дьон наадалар.
Хас биирдиибит куолаһа төрөөбүт дойдубут туруктаах уонна сайдыылаах буоларын мэктиэтинэн буолар. Быыбарга кыттыбат буолуу бу инникини оҥорсуу, сайдыыны түстүүр быраабы сарбыйыынан буолар. Бииргэ төрөөбүттэргитин, дьиэ кэргэҥҥитин кытта быыбардыыр учаастактарга кэлэргитигэр ыҥырабын!
-
0
-
0
-
0
-
0
-
0
-
0
