Маннык Судаарыстыбаннай бэлиэтээһин эми-тому ырыынакка таһаарыах иннинэ ыытыллар. Дойду иһигэр, эбэтэр тас дойдуларга оҥоһуллубутуттан тутулуга суох. Чэпчэтиллибит бэлиэтээһин тустаах докумуоннары кылгас кэм иһигэр ыларга көмө буолуо. Судаарыстыбаннай бэлиэтээһин уонна эми бэрэбиэркэлээһин болдьоҕо ортотунан 30 хонук кэриҥэ аччыа.
Ханнык эмтэри чэпчэтиллибиттик бэлиэтиири тус салаалар икки адыларыгар тэриллибит анал хамыыһыйа быһаарыа. Састааба чугас кэм иһинэн РФ Доруобуйа харыстабылыгар министиэристибэтинэн бигэргэтиллиэ.
Хамыыһыйа быһаарбытынан, тас дойдулартан киирбит эмтэр Россия иһигэр бэйэлэрин хааларыгар нууччалыы суруктаах этикеткаланан баран атыыланыахтара (билигин Россия эрэ упаковкатыгар атыыланар). Бу быраабыла 2022 сыл бүтүөр диэри дьайар.
Бу иннинэ Бырабыыталыстыба Судаарыстыбаннай Дуумаҕа омук эмтэрин Россия ырыынагар чэпчэтиллибит бэрээдэгинэн киллэрэргэ быһаарыыны миниистирдэр кабинеттарын боломуочуйаларыырга сокуон барылын киллэрбиттэрэ. Сокуон кулун тутар 26 күнүгэр илии баттаммыта.
Оттон Россияҕа анал бэлиэтээһини ааспатах эмтэр, кылгас болдьохтоох көҥүллээх эрэ буоллахтарына, ырыынакка тахсыахтара.
- 1
- 0
- 0
- 0
- 0
- 0